ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 197,02 դրամ ԱՐԾԱԹ - 278,48 դրամ ՊԼԱՏԻՆ - 14 513,44 դրամ

Մեր հայ ընկերների այս քայլն ապացուցում է, որ պատերազմում տարած հաղթանակը ընդհանուրի հաղթանակն է եղել. ՌԴ դեսպան

PhotoLure

Մոսկվան բարձր է գնահատում Երկրորդ Համաշխարհային պատերազմի պատմական փաստերի խեղաթյուրման դեմ պայքարում Հայաստանի սկզբունքային մոտեցումը՝ պաշտոնական Երևանի Լեհաստանում միջոցառմանը չմասնակցելու համատեքստում։ Սա անցյալում տեղի ունեցած դեպքերի աղավաղման բացահայտ քայլ էր։ Այս մասին չորեքշաբթի օրը հայտնել է Հայաստանում ՌԴ արտակարգ և լիազոր դեսպան Սերգեյ Կոպիրկինը Երկրորդ համաշխարհային պատերազմի 80-րդ տարելիցի կապակցությամբ միջոցառման ժամանակ։

«Մենք երախտապարտ ենք հայկական կողմին իր սկզբունքային վերաբերմունքի համար պատմության աղավաղման դեմ պայքարում։ Սա ապացույցն է այն բանի, որ Հայաստանը և իր ժողովուրդը գնահատում են իրենց նախնիների վաստակը, հարգում նահատակների հիշատակը։ Մեր հայ ընկերների այս քայլը, ինչպես նաև մյուս եղբայր ժողովուրդների մոտեցումը հերթական անգամ ապացուցում է, որ Երկրորդ համաշխարհային պատերազմում տարած հաղթանակը ընդհանուրի հաղթանակն է եղել, և այդ հաղթանակը երկրների մեջ բաժանելու ակնթարթային և անհիմն փորձերը դատապատված են ձախողման»,-նշել է դեսպանը։

Ռուսական դիվանագիտական ներկայացուցչի խոսքերի համաձայն՝ 2020թ․-ին մեծ միջոցառում է նախատեսվում կազմակերպել նացիզմի դեմ տարած հաղթանակի 75-ամյակի կապակցությամբ։ «Ես համոզված եմ, որ այդ օրվան Հայաստանում ևս ըստ անհրաժեշտության կնախապատրաստվեն, մենք միասին կնշենք այդ տոնը»,-ընդգծել է Կոպիրկինը։


Եղանակ
Երևան
Մասամբ ամպամած
Խոնավություն՝ 43%
Քամի՝ 3 կմ/ժ
18 C°
 
14°  27° 
16.09.2019
15°  27° 
17.09.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը