ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

Ահմեթ Դավութօղլուն հայտարարել է Էրդողանի կուսակցությունից հեռանալու մասին

vestikavkaza.ru

Թուրքիայի նախկին վարչապետ Ահմեթ Դավութօղլուն հայտարարել է իշխող «Արդարություն և զարգացում» կուսակցությունից (ԱԶԿ-AKP) դուրս գալու մասին, փոխանցում է ermenihaber-ը:

Վերջերս հայտնի էր դարձել, որ Դավութօղլուն պատրաստվում է նոր կուսակցություն ստեղծել, և այդ նպատակով նրա թիմակիցները կոչ էին արել ԱԶԿ-ի նահանգային ու շրջանային ղեկավարներին միանալ իրենց։ Այս տեղեկությունը ստանալով՝ ԱԶԿ-ի ղեկավարները պահանջել էին Դավութօղլուին և իր թիմին հեռացնել կուսակցությունից։

Նախկին  վարչապետը չի սպասել երկրորդ նմանատիպ պահանջի ներկայացմանը և հայտարարել է, որ դուրս է գալիս ԱԶԿ-ից:

 «Մեր նպատակը պառակտումը չէ։ Մենք նպատակ ունեինք ցրելու ԱԶԿ-ի և մեր երկրի ապագայի հետ կապված անհուսությունը։ Մեզ ներկայացված փաստերը վկայում են, որ ԱԶԿ-ի առաջնորդները կտրվել են իրականությունից։ ԱԶԿ-ն որոշել է զտել կուսակցության շարքերը՝ սկսելով մեզ կուսակցությունից հեռացնելու գործընթացը», - հայտարարել է Դավութօղլուն։

Նա հավելել է, որ շարունակելու է հավատարիմ մնալ իր սկզբունքներին և ծառայել ժողովրդին՝ նոր կուսակցություն հիմնելով։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 61%
Քամի՝ 5 կմ/ժ
0 C°
 
   
26.11.2020
-1°   
27.11.2020
Հարցում

Կճանաչվի՞ արդյոք մոտ ապագայում Արցախի անկախությունը: