ՌԴ ԱԳՆ-ից որևէ գրություն չենք ստացել. ՀՀ ԱԳՆ

• 24.10.2019, 16:50
•  ԵԱՏՄ,  Աշխարհ,  Հայաստան

«Չեմ կարող մեկնաբանել ռուսական լրատվամիջոցի տարածած լուրը, քանի որ այս պահի դրությամբ ոչ ՀՀ ԱԳՆ-ն, ոչ Ռուսաստանում Հայաստանի դեսպանատունը ՌԴ ԱԳՆ-ից տվյալ հարցի վերաբերյալ որևէ գրություն չեն ստացել», - Panorama.am-ի հետ զրույցում  ասաց ԱԳ նախարարության խոսնակ Աննա Նաղդալյանը։

Հիշեցնենք, որ «Ռիա Նովոստի»-ն գրել էր. «Ռուսաստանը բողոքի նոտա կհղի Հայաստան՝ կապված զենքի մրցույթի չեղարկման հետ, որին մասնակցում էր միայն ռուսական ORSIS ընկերությունը («Պրոմտեխնոլոգիա» խմբի անդամ), և Հայաստանի պաշտպանության նախարար Դավիթ Տոնոյանին կխնդրի լուծել այս իրավիճակը։ Այս մասին ասվում է փաստաթղթի տեքստում, որի պատճենը հասանելի է դարձել լրատվամիջոցին»։

«ՏԱՍՍ» գործակալությունն էլ քիչ առաջ հերքել է ռուսական այդ լրատվամիջոցի տեղեկությունը։