ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 455,97 դրամ ԱՐԾԱԹ - 259,35 դրամ ՊԼԱՏԻՆ - 13 785,72 դրամ

Առողջապահության հարկի մասին նախագիծ. նախարարի սցենարների հետքերով

Առողջապահության նախարար Արսեն Թորոսյանն առողջապահական հարկի մասին նախագծի շուրջ լրագրողների հետ կազմակերպված սեմինար-դասընթացի շրջանակում անցկացված ասուլիսում մի քանի սցենար է առաջարկել: Օրինակ, որ նախագիծը կարող է վերաբերել միայն գրանցված աշխատողներին և ըստ այդմ սահմանվել 1.5-2 տոկոս հարկի չափով, կամ որ հետագայում կարելի է ներգրավել նաև չաշխատող անձանց, կամ որ 100 տոկոսանոց ծածկույթի կարելի է հասնել 10-20 տարում:

Մի քանի սցենար ստացված տպավորություններից:

Սցենար 1. Նախարարը փորձում է մեծացնել առողջապահությանն ուղղված բյուջետային հատկացումները: Այս նախագծի մասին ամենասկզբից մինչ այս պահը, նախարարի բոլոր ելույթներում լուռ տարվում է «հարկից կարելի է խուսափել, եթե բյուջետային հատկացումները մեծանան» թեզը:

Սցենար 2. Բյուջեն լցնել՝ ցանկացած միջոցով, որքան հնարավոր է շատ: Այն, որ նոր հարկատեսակից մարդիկ կդժգոհեին, նախագիծը ներկայացնողները շատ լավ կարող էին պատկերացնել: Ուստի, ի սկզբանե նախագիծը խոշոր դրույքաչափի հարկատեսակով քննարկման դնելը, հետո, իբրև թե «քննարկումների արդյունքում» փոխզիջումային տարբերակներ առաջ քաշելը, բյուջեն նոր հարկատեսակով լցնելու համար շատ ավելի անաղմուկ տարբերակ է: Փողզիջման իմիտացիա…

Սցենար 3. Առողջապահության նախարարն աշխատում է Կառավարության ղեկավարի հակառակ տրամաբանությամբ: Եթե վարչապետ Փաշինյանը հայտարարում է, որ եկող տարվա բյուջեով սահմանվում է ցածր տնտեսական աճ, մաքսիմալին հասնելու նպատակով, Արսեն Թորոսյանը սահմանում է մաքսիմալը, նվազագույնին հասնելու համար: Իրականում առողջապահական հարկի մասին նախագծին ինքը նախարարն իր գնահատականը տվել է՝ հրապարակային ընդունելով, որ նախագծի ներդնումը դեռ վաղ է: Սա ևս լրացուցիչ հիմնավորում է պնդելու, որ նպատակը առողջապահական ապահովագրության նոր համակարգ ունենալը չէ միայն ու առաջին հերթին:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 74%
Քամի՝ 5 կմ/ժ
0 C°
 
   
10.12.2019
   
11.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: