ԵՐԵՎԱՆ -1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 258,63 դրամ ԱՐԾԱԹ - 271,69 դրամ ՊԼԱՏԻՆ - 14 862,75 դրամ

ԱՄԷ-ում ընթանում է «Աբու Դաբի կայունության շաբաթ» միջազգային ֆորումը

Աբու Դաբիի թագաժառանգ, ԱՄԷ Զինված ուժերի գլխավոր հրամանատարի տեղակալ Շեյխ Մուհամմադ բն Զայեդ ալ Նահյանի  բարձր հովանու ներքո Աբու Դաբին 2020թ․-ի հունվարի 11-18-ն ընկած ժամանակահատվածում հյուրընկալում է «Կայունության շաբաթ» ֆորումը, որն աշխարհում վերականգնվող էներգիայի նախագծերը խթանելու և դրանցում ներդրումներ ներգրավելու  համաշխարհային հարթակ է։

 «Աբու Դաբիի կայունության շաբաթն» անցկացվում է 2008 թվականից ի վեր և միավորում է պետությունների ղեկավարների, քաղաքական գործիչների, հեղինակավոր փորձագետների, գիտնականների, գործարարների՝ աշխարհի կայուն զարգացման գլոբալ մարտահրավերներն ու հրատապ խնդիրները քննարկելու նպատակով:

Այս տարի ֆորումը կհյուրընկալի ավելի քան 10 երկրների և կառավարությունների ղեկավարներ, 150 նախարարներ, փոխնախարարներ, տարածաշրջանային և միջազգային կազմակերպությունների ղեկավարներ, 800 համաշխարհային ընկերություններ և ավելի քան  35 հազար մասնակից։ Ակնկալվում է, որ ֆորումի այս տարվա նստաշրջանի ներդրումները կկազմեն ավելի քան 10 մլրդ դոլար։

Էմիրաթական ղեկավարության խոհեմ տեսլականի շնորհիվ՝  ԱՄԷ-ն արդյունավետ, դրական և ազդեցիկ դեր է խաղում գլոբալ կայունության նպատակների իրականացմանն օժանդակելու գործում՝ նախաձեռնելով այնպիսի կարևոր միջոցառումներ և ծրագրեր, ինչպիսին է «Աբու Դաբիի կայունության շաբաթը»։

2008թ․-ից ի վեր «Աբու Դաբիի կայունության շաբաթը» ձգտում է ամրապնդել կայունությանն ուղղված գլոբալ երկխոսությունը: Այս տարի միջոցառման թեմաներն ընդլայնվել են՝ վերականգնվող էներգիայի հետ մեկտեղ ընդգրկելով նաև այլ ոլորտներ և խնդիրներ, որոնք նպաստում են տնտեսական աճի և կայուն զարգացման առաջխաղացմանը։ Նման քաղաքականությունը համապատասխանում  է ԱՄԷ-ի 2021թ․-ի տեսլականին և ՄԱԿ-ի կողմից հաստատված կայուն զարգացման նպատակներին:

Ֆորումի 2020թ․-ի նստաշրջանը ներառում է 6 հիմնական թեմա, դրանք են՝ Էներգիա և կլիմայի փոփոփություն, ջուր և սնունդ, շարժունակության ապագա, տիեզերքի բացահայտում, առողջապահության ոլորտում կենսատեխնոլոգիա և ավելի լավ կյանքի համար տեխնոլոգիա։ Ֆորումի բոլոր թեմաների և ծրագրերի շրջանակներում անդրադարձ կկատարվի 3 հիմնական թեմաներին, դրանք են՝  արհեստական բանականությունը, հասարակությունը և երիտասարդությունը։

«Աբու Դաբի կայունության շաբաթն» ամրապնդում է Աբու Դաբիի դերը որպես կայունության համաշխարհային մայրաքաղաք՝ միավորելով կայուն ապագա կերտելու ջանքերը և համախմբելով բոլոր ոլորտներն ու ծրագրերը, որոնք կապված են էներգետիկայի հետ։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 85%
Քամի՝ 3 կմ/ժ
-2 C°
 
   
20.02.2020
   
21.02.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: