ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Դավոս-2020. ի՞նչ տվեց 50-րդ համաշխարհային տնտեսական ֆորումը Հայաստանին

Հունվարի 21-24-ը շվեյցարական Դավոսում տեղի ունեցավ արդեն ավանդական դարձած տնտեսական ֆորումը: 50-րդ համաշխարհային տնտեսական ֆորումն անցկացվեց «Շահագրգիռ կողմերը՝ հանուն աշխարհի համախմբման և կայունության» խորագրի ներքո: Եվ չնայած նրան, որ ֆորումի հիմնական թեման բնության պահպանության հիմնախնդիրներն էին,  այն հերթական անգամ հարթակ հանդիսացավ քաղաքական տարբեր նշանակության խնդիրների երկկողմ ու բաղմակողմ քննարկումների համար:

Ինչպես գիտենք՝ այս տարի Դավոսի տնտեսական ֆորումին Հայաստանը ներկայացրեց երկրի նախագահ Արմեն Սարգսյանը: Վարչապետ Նիկոլ Փաշինյանը, որ նախորդ տարի անձամբ էր մեկնել համաժողովին, այս տարի հրաժարվեց: Պատճառների մասին խոսեցին ԶԼՄ-ները՝ դրանք հիմնավորելով այն հանգամանքով, որ «համապատասխան մակարդակի հանդիպումների շարք չի հաջողվել նախապատրաստել, ինչպես նաև չի հաջողվել ելույթի համար հարթակ ապահովել»: Եթե իսկապես այս հանգամանքով է պայմանավորված վարչապետի որոշումը՝ չմեկնել Դավոս, ապա սա, թերևս, վկայությունն է նրա, որ ՀՀ-ում համապատասխան ինստիտուտներն, առնվազն, իրենց գործառույթները պատշաճ կերպով չեն իրականացնում: Սա խնդիր է, որի շուրջ արժե մտածել:

Մյուս կողմից էլ՝ արժե հասկանալ, թե ինչ տվեց Հայաստանին Արմեն Սարգսյանի մասնակցությունը: Նախագահը մի շարք հանդիպումներ ունեցավ ինչպես խոշոր կազմակերպությունների ներկայացուցիչների, այնպես էլ միջազգային կազմակերպությունների ու առանձին երկրների ղեկավարների հետ: Արմեն Սարգսյանը որպես բանախոս մասնակցեց նաև «Հավասարակշռելով ներքին և գլոբալ անհավասարությունը» թեմայով քննարկմանը: Օրակարգը հարուստ էր, դրա բովանդակությունը՝ գրեթե չտարբերվող այն հանդիպումների բովանդակությունից, որ պարբերաբար ունենում է նախագահը՝ բավական հաճախ տեղի ունեցող իր արտասահմանյան գործուղումների ընթացքում: Այսինքն՝ ըստ էության, այս տարի Դավոսի ֆորումին մենք ապահովեցինք միայն ներկայություն՝ առանց անգամ փորձելու օգտագործել այս հարթակը՝ շատ կարևոր խնդիրներ լուծելու կամ դրանց մասին բարձրաձայնելու համար:

Հիշեցնենք՝ Դավոսի տնտեսական ֆորումին այս տարի մասնակցում էր 3000 ներկայացուցիչ աշխարհի 117 երկրից: Ֆորումի այս տարվա խորագիրն էր՝ «Շահագրգիռ կողմերը՝ հանուն աշխարհի համախմբման և կայունության»:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Մառախուղ
    Խոնավություն՝ 93%
    Քամի՝ 1,54 կմ/ժ
    6 C°
     
    10°   
    20.03.2024
    13°   
    21.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: