ԵՐԵՎԱՆ 8 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 011,57 դրամ ԱՐԾԱԹ - 232,04 դրամ ՊԼԱՏԻՆ - 11 513,4 դրամ

ՍԴ շուրջ զարգացումներն այսօր արտաքին քաղաքական օրակարգի առաջնային հարցերից է

Սահմանադրական դատարանի շուրջ ստեղծված իրավիճակը և ապրիլի 5-ին նախատեսված հանրաքվեն առաջնային խնդիր է դարձել ոչ միայն ներքաղաքական, այլև արտաքին քաղաքական օրակարգում:

Եթե իշխանություններին հաջողվել է սեփական հանրության մի մասին համոզել, որ գործընթացն իրավական է կամ եթե անգամ առկա են իրավական որոշ խնդիրներ, ապա դրանք առաջնային չեն Նոր Հայաստանի Սահմանադրական դատարան ունենալու նպատակին հասնելու ճանապարհին, միջազգային հանրությանը և մասնավորապես եվրոպացի գործընկերներին համոզել չի հաջողվում:

Ազգային ժողովի «Իմ քայլը» խմբակցության պատգամավորների կողմից անցյալ շաբաթ Սահմանադրական դատարանին առնչվող խնդրահարույց օրինագծերը շրջանառության մեջ դնելուց հետո տեղի է ունեցել արդեն երեք հանդիպում Հայաստանում հավատարմագրված ԵՄ, ԵԱՀԿ անդամ երկրների դեսպանների հետ՝ Ազգային ժողովի նախագահի, արտաքին գործերի նախարարի և վարչապետի մակարդակներով:  ԱԳ նախարարը Վիեննայում հանդիպել է եվրոպական երկրներում, տարածաշրջանային և միջազգային կազմակերպություններում Հայաստանի դիվանագիտական ներկայացուցչությունների ղեկավարների  հետ: Ըստ էության, այս հանդիպմանը ևս առանցքային տեղ է զբաղեցրել սահմանադրական փոփոխությունների հանրաքվեի նշանակման արդյունքում ստեղծված իրավիճակը:

Հանդիպումների նման հաճախականությունը խոսում է այն մասին, որ գործընկերների համար Հայաստանի իշխանությունների նման քաղաքականությունը որևէ կերպ հասկանալի ու ընկալելի չէ, և նրանք փակ խողովակներով լուրջ մտահոգություններ են հայտնում իշխանություններին առաջիկա սահմանադրական հանրաքվեի կապացությամբ:

Ընդ որում, գործընթացի հետ կապված մտահոգությունները եվրոպական կողմը հայտնում է ոչ միայն փակ խողովակով: Հիշեցնենք, Ազգային ժողովում ՍԴ վերաբերյալ հանրաքվե անցկացնելու օրինագծի քննարկման օրը հայտարարությամբ հանդես են եկել ԵԽԽՎ մոնիտորինգային հանձնաժողովի Հայաստանի հարցով համազեկուցողները՝  կոչ անելով ՀՀ իշխանություններին հնարավորինս արագ դիմել Եվրոպայի խորհրդի սահմանադրական իրավունքի մասնագիտացած մարմնին՝ Վենետիկի հանձնաժողովին խորհրդատվական կարծիք ստանալու համար: Անհապաղ Վենետիկի հանձնաժողով դիմելու կոչով հանդես է եկել նաև ԵԽԽՎ ամենամեծ քաղաքական ուժը՝ Եվրոպական ժողովրդական կուսակցությունը:

Սահմանադրական դատարանի շուրջ ընթացիկ գործընթացն արդեն իսկ իմիջային խնդիրներ է ստեղծել Հայաստանի և գործող իշխանությունների համար, որոնց գործնական ազդեցությունը կախված է հետագա զարգացումներից և, ինչու ոչ, նաև այն գնից, որը պատրաստ են վճարել իշխանությունները այս  ոչ իրավական գործընթացն իրենց համար ցանկալի ավարտին հասցնելու համար:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 46%
Քամի՝ 6 կմ/ժ
9 C°
 
  11° 
09.04.2020
  15° 
10.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: