ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

Եվրոպան միգրանտների հարցում չպետք է տեղի տա Թուրքիայի ճնշմանը. Ավստրիայի կանցլեր

Фото: Елизавета Дмитриева / Коммерсантъ

Ավստրիայի կանցլեր Սեբաստիան Կուրցը հայտարարել է, որ Եվրոպան միգրանտների հարցում չպետք է տեղի տա Թուրքիայի ճնշմանը:

«Մենք այստեղ Հունաստանի վրա կազմակերպված գրոհի ենք ենթարկվում Թուրքիայի և նախագահ Էրդողանի կողմից… Դա պլանավորված և նպատակաուղղված գրոհ է, որը կառավարվում և կազմակերպվում է պետության կողմից: Եվրոպան չպետք է տեղի տա այդ ճնշմանը», - հայտարարել է Կուրցը «Funke» մեդիա խմբի հրատարակություններին տված հարցազրույցում՝ պատասխանելով հունա-թուրքական սահմանին 13 հազար փախստականների ճակատագրի վերաբերյալ հարցին, փոխանցում է ՌԻԱ Նովոստին

Կուրցի կարծիքով, եթե այդ մարդիկ վերջ ի վերջո հայտնվեն Կենտրոնական Եվրոպայում, հետագայում միգրանտների թիվը կտրուկ կաճի:

«Շուտով դրանք կլինեն հարյուր հազարներ, իսկ ավելի ուշ` միլիոններ: Ի վերջո մենք կարող ենք ստանալ նույնպիսի իրավիճակ, ինչպես 2015 թվականին», - ավելացրել է նա։ 

Կուրցը կարծում է, որ այն մարդիկ, ովքեր այժմ ժամանում են սահման, մեծամասամբ Սիրիայի պատերազմական տարածքներից փախչող փախստականներ չեն:  «Նրանց մեծ մասը միգրանտներ են, ովքեր տարիներ շարունակ բնակվում են Թուրքիայում: Այս մարդիկ Հունաստանում փախստականի կարգավիճակի իրավունք չունեն, քանի որ նրանց նկատմամբ Թուրքիայում հետապնդում չի իրականացվում»:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 54%
Քամի՝ 4 կմ/ժ
0 C°
 
   
26.11.2020
-1°   
27.11.2020
Հարցում

Կճանաչվի՞ արդյոք մոտ ապագայում Արցախի անկախությունը: