ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

Ապրիլից հետո միշտ գալիս է մայիսը

Vardan Petrosyan

Երևի պատահական չէ, որ ապրիլ բառը նման է ապրելուն: Բայց ամսվա անունը չփրկեց այն երիտասարդ տղաներին, որոնք պաշտպանում էին Արցախի սահմաններն ապրիլի 2-ի առավոտյան: Տղաներին, որոնք մեկ գիշերվա ընթացքում հերոսներ դարձան:

Այսօր արդեն չորս տարի է անցել այն ապրիլյան առավոտից, որը վատ լուրեր բերեց սահմանից: Ադրբեջանի Զինված Ուժերը դիմեցին սադրանքի՝ հարձակում սկսելով միանգամից մի քանի ուղղություններով: Նույն առավոտը տարածվեց առաջին զոհերի մասին լուրը՝ աշակերտներ, որոնք չհասան դպրոց ԼՂՀ Մարտունիի շրջանում: Այնուհետև Մարտակերտի շրջանի Թալիշ գյուղի վայրագորեն սպանված ծեր զույգը… Եղան նաև այլ սարսափելի լուրեր այն մասին, թե ինչպես առաջին գծում կանգնած պատանիներն իրենց վրա են կրել առաջին անսպասելի, սարսափազդու և ծանր հարվածը: Այն մասին, որ նրանք, հակառակ նահանջելու հրամանին, կանգնած էին մնացել սահմանին՝ պաշտպանելով իրենց դիրքը: Իրենց հողը: Իրենց ճշմարտությունը:

Այսօր, երբ արդեն չորս տարի է անցել Ապրիլյան պատերազմից, միևնույն է դեռ գլխի մեջ չի տեղավորվում, թե ինչպես ստացվեց, որ նրանք ավելի շատ գիտեին հայրենասիրության մասին, քան իրենց կարող էին սովորեցնել: Ինչպես կարողացան նայել մահվան աչքերին և նրանից ուժեղ գտնվել: Եվ… ինչպես կարողացան հեռանալ:

Այսօր, հիշելով ձեր կամքի ուժը, հպարտությունը ձեզանով, որը միավորեց ողջ աշխարհի հայությանը, մենք կրկնում ենք. «Կներեք մեզ տղաներ»: Կներեք, որ ապրիլից հետո գալիս է մայիսը՝ հաղթանակների ամիսը: Կներեք, որ այն կրկին գալիս է առանց ձեզ…


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 25%
Քամի՝ 6 կմ/ժ
26 C°
 
14°  26° 
31.05.2020
14°  28° 
01.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: