Ֆրանսիայում այցելությունների համար բացվել է Վերսալի պալատական համալիրը

• 06.06.2020, 17:52
•  Եվրոպա,  Աշխարհ,  No-politics

just-paris.ru

Ֆրանսիայում հունիսի 6-ից այցելությունների համար բացվել է նշանավոր Վերսալի պալատական համալիրը: «Արմենպրես»-ի հաղորդմամբ, այս մասին տեղեկացնում է  «France Info»-ն: Այն փակ էր իշխանությունների որոշմամբ մարտի 13-ից:

Երկրորդ համաշախարհային պատերազմից հետո առաջին անգամ հայտնի թանգարանը փակվել է այսքան երկար ժամանակով՝ 82 օրով: Իր պատմության մեջ սա փակվելու երկրորդ երկար ժամկետն է: Առաջինը կապված է եղել Երկրորդ համաշխարհային պատերազմի հետ:

Այժմ հունիսի 6-ից պալատական համալիրը վերսկսել է իր աշխատանքը: Այն բաց է տեղական ժամանակով առավոտյան 09:00-ից մինչև երեկոյան 18:30-ը: Խմբային էքսկուրսիաները կթույլատրվեն հունիսի 10-ից:

Առայժմ խմբում լինելու է 10-ից ոչ ավելի մարդ:

Վերսալյան պալատը Ֆրանսիայի թագավորների նստավայրն էր: