Ինչո՞ւ են «Մեծ յոթնյակի» երկրները դեմ Ռուսաստանի վերադարձին
ԱՄՆ նախագահ Դոնալդ Թրամփի՝ Ռուսաստանի Դաշնությանը «Մեծ յոթնյակ»-ի (G7) գագաթաժողովին հրավիրելու որոշումը քննադատաբար է ընդունվել անդամ երկրների կողմից: Թերևս դեռ հստակեցված չէ, թե ինչ կարգավիճակով է Թրամփը ՌԴ-ին հրավիրում գագաթաժողովին (որպես հյուր, թե որպես մշտական անդամ), այնուամենայնիվ, տարբեր երկրներ արդեն իսկ հայտարարել են, որ դեմ են Ռուսաստանի ներկայությանը և վերադարձին: Պատճառը՝ Ղրիմն է…
Կանադայի վարչապետ Ջասթին Թրյուդոն, առաջինն արձագանքելով Թրամփի այս որոշմանը նշել է, որ Կանադան համաձայն չէ G7 Ռուսաստանի վերադարձին, քանի որ նա «շարունակում է խախտել միջազգային իրավունքը»: «Ռուսաստանը հեռացվել էր «Մեծ յոթնյակից» այն բանից հետո, երբ մի քանի տարի առաջ ներխուժել էր Ղրիմ, միջազգային կանոների ու նորմերի հանդեպ մշտական անհարգալից վերաբերմունքի պատճառով է նա «Մեծ յոթնյակի» սահմաններից դուրս մնում»,- ասել է Թրյուդոն։
Մեծ Բրիտանիայի վարչապետ Բորիս Ջոնսոնի ներկայացուցիչը, իր հերթին, հայտնել է, որ Բրիտանիան կարծում է, որ այս պահին Ռուսաստանին որպես G7-ի անդամ, վերադարձնելու հիմք չկա, քանի որ Մոսկվայի քաղաքականությունը չի փոխվել: «Ընդունված է, որ G7-ում ներկայացված երկիրը հրավիրի այլ երկրների: Սակայն մենք չենք ընդունի Ռուսաստանին որպես խմբի անդամ: Ռուսաստանը բացառվել էր խմբից Ղրիմի անեքսիայից հետո՝ 2014 թվականին»,-ասել է Ջոնսոնի ներկայացուցիչը:
Գերմանիայի կառավարության պաշտոնական ներկայացուցիչ Շտեֆեն Զայբերտի խոսքով՝ Ռուսաստանին ակումբ վերադարձնելու հիմք չկա: «Ռուսաստանի մասով կա 2014-ի որոշումը, ըստ որի՝ մինչև հետագա ցուցումները, յոթնյակը չի հավաքվի G8 ձևաչափով: Դեռևս պահպանվում են այն հիմքերը, որոնց հիման վրա կայացվել է այդ որոշումը: Այդ հիմքը Ղրիմի բռնակցումն էր միջազգային օրենսդրության խախտմամբ, բայց այն շարունակում է մնալ: Որոշումը փոխելը Ռուսաստանի կառավարության ձեռքում է», - նշել է Զայբերտը։
Իր հերթին, Ֆրանսիան Ռուսաստանում չի տեսնում այն փոփոխությունները, որոնք կերաշխավորեին Մոսկվայի վերադարձը «Մեծ յոթնյակ»: «Ռուսաստանը որոշակի պատճառներով հեռացվել է G7-ից: Մենք չենք կարծում, որ այսօր այդ իրավիճակը փոխվել է: Սակայն մենք պետք է Ռուսաստանի հետ երկխոսելու միջոցներ գտնենք»,- ասել է Ելիսեյան պալատի ներկայացուցիչը:
Ճապոնիայի կառավարության ավագ քարտուղար Յոշիդե Սուգանն էլ հայտնել է, որ Ռուսաստանի նկատմամբ իրենց դիրքորոշման մեջ չկա որևէ փոփոխություն: «Մենք չենք ընդունում Ռուսաստանի կողմից Ղրիմի բռնակցումը ՝ հաշվի առնելով Ուկրաինայի ինքնիշխանությունը և տարածքային ամբողջականությունը», - ասել է Սուգան:
Նշենք, որ Ռուսաստանի Դաշնությունը «Մեծ յոթնյակ»-ի կազմի մեջ էր մինչև 2014 թվականը, այն ժամանակ կազմակերպությունը կոչվում էր «Մեծ ութնյակ», սակայն Ղրիմի շուրջ ծավալված զարգացումների պատճառով ՌԴ-ն հեռացվեց խմբից, և 2014-ից երկիրը չի մասնակցում գագաթնաժողովի հանդիպումներին:
Հետաքրքրականն այն է, որ չնայած տարբեր երկրների կողմից եղած առարկություններին՝ Թրամփը, կարծես թե, չի պատրաստվում իր որոշումից հրաժարվել: Այդ մասին է վկայում այն, որ Թրամփն իր որոշման մասին ոչ միայն արդեն իսկ պաշտոնապես հայտնել է ՌԴ նախագահ Վլադիմիր Պուտինին իր նախաձեռնությամբ տեղի ունեցած հեռախոսազրույցի ժամանակ, այլ նաև տարբեր երկրների կողմից բարձրաձայնած առարկություններից հետո վերահաստատել է իր մոտեցումը, որ Ռուսաստանը պետք է վերադառնա Մեծ յոթնյակի կազմ: Թրամփի կարծիքով՝ Ռուսաստանի նախագահ Վլադիմիր Պուտինի ներկայությունը G7 երկրների առաջնորդների հանդիպմանը շատ ավելի կհեշտացնի բազմաթիվ խնդիրների լուծումը: «Նա այնտեղ չէ: Հանդիպման կեսը նվիրված է Ռուսաստանին, և եթե նա այնտեղ լիներ, ապա լուծումը շատ ավելի հեշտ կլիներ», - ասել է Թրամփը՝ հավելելով, որ ներկայիս ֆորմատը հնացել է և G7-ը փոփոխությունների կարիք ունի:
Ինչ վերաբերվում է Ռուսաստանի Դաշնությանը, ապա վերջինս դեռ չի շտապում վերջնական համաձայնություն հայտնել Թրամփի առաջարկին: Կրեմլի պաշտոնական ներկայացուցիչ Դմիտրի Պեսկովը Պուտին-Թրամփ հեռախոսազրույցից հետո, անդրադառնալով հարցին, հայտարարել է ՌԴ-ԱՄՆ երկխոսության մեկնարկի մասին՝ նշելով, որ նախագահ Թրամփի՝ G7 գագաթաժողովին հրավերի հետ կապված բոլոր մանրամասներն ու նրբությունները (մասնավորապես այն, թե ինչ կարգավիճակով է ՌԴ-ն հանդես գալու) դեռ պետք է քննարկվեն դիվանագիտական խողովակներով:
Հարկ է նշել, որ հետաքրքրականն այն է, որ Թրամփը բացի Ռուսաստանից հրավիրել է նաև Հարավային Կորեային, Ավստրալիային ու Հնդկաստանին: Խոսելով G7-ի ֆորմատի հնացած լինելու մասին, Թրամփը մասնավորապես հայտնել է G7-ը, G10-ով կամ նույնիսկ G11-ով փոխարինելու իր մտադրության մասին: Սակայն, այն թե այդ ֆորմատը մշտական բնույթ է կրելու, թե՞ տվյալ երկրները հրավիրվում են հյուրի կարգավիճակով դեռ հստակեցված չէ:
Այս կապակցությամբ Ավստրալիան և Հնդկաստանն արդեն իսկ մասակցության համաձայնություն են տվել, իսկ Հարավային Կորեայից հայտնել են, որ ամերիկյան կողմի հետ հրավերի կապակցությամբ բանակցություններ կվարեն, արդյունքում՝ պարզ կդառնա մասնակցելու կամ չմասնակցելու մասին իրենց որոշումը:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 24%
Քամի՝ 2,57 կմ/ժ