Ռոբերտ Քոչարյանի գրասենյակը վաղը կարտահայտի իրենց դիրքորոշումը դատարանի որոշման և գրավի հետ կապված

• 18.06.2020, 23:44
•  Աշխարհ,  Հայաստան

ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը ֆեյսբուքյան իր էջում գրել է, որ 2-րդ նախագահի գրասենյակը վաղը կարտահայտի իր դիրքորոշումը դատարանի որոշման վերաբերյալ:

«Հարգելի ընկերներ և համակիրներ: Անչափ շնորհակալ եմ չդադարող զանգերի և նամակների համար: Կաշխատեմ բոլորին պատասխանել մոտ օրերին:

Հարգելի լրագրողներ, վաղը նախագահի գրասենյակը կարտահայտի մեր դիրքորոշումը դատարանի որոշման և գրավի հետ կապված»,- գրել է Լևոն Քոչարյանը:

Հիշեցնենք, որ այսօր Ռոբերտ Քոչարյանն ազատ արձակվեց կալանքից՝ 2 մլրդ դրամ գրավի դիմաց։ Փաստաբանն իր հարցազրույցում նշել էր, որ «գրավի չափը կարելի է ասել աննախադեպ է Հայաստանի համար»։