«Գորշ գայլերը» Գերմանիայում սպառնում են հայերին. Թաներ Աքչամ

• 16.11.2020, 23:12
•  Եվրոպա,  Աշխարհ,  Սփյուռք

Թուրք պատմաբան, ցեղասպանագետ Թաներ Աքչամը Գերմանիային կոչ է անում արգելել «Գորշ գայլեր» կազմակերպությանը։

Ինչպես փոխանցում է Panorama.am-ն՝ Աքչամն իր ֆեյսբուքում գրել է, որ թուրք ազգայնականները հայերի մեյլերին ուղարկում են սպառնալից հաղորդագրություններ գերմաներեն։

«Սա հանցագործություն է, և Գերմանիայի կառավարությունը պետք է արգելի այս կազմակերպությունը»,- գրել է Աքչամը:

«Գորշ գայլերը կհասնեն ձեզ,

Դուք, Հայաստանի կեղտոտ երեխաներ, մենք ձեզ բոլորիդ կգտնենք, և ձեր երեխաները կկանգնեն ձեր գերեզմանի մոտ, նախքան նրանք կընկնեն իրենց իսկ գերեզմանը:
Մենք կանգնած ենք Ադրբեջանի մեր եղբայրների կողքին և թույլ չենք տա, որ Հայաստանի անհավատ շները Գերմանիայում խաղաղ ապրեն:

Մենք գիտենք ձեզ, գիտենք, թե որտեղ են ձեր երեխաները՝ օր ու գիշեր:
Գորշ գայլերը ձեզանից հեռու չեն»,- ասվում է հայերին ուղարկված ծայրահեղականների հաղորդագրությունում:

Նշենք, որ վերջերս Ֆրանսիան պաշտոնապես արգելեց «Գորշ գայլեր»  կազմակերպության գործունեությունը։