Վարչապետի խոսնակ Մանե Գևորգյանը կոչ է անում զերծ մնալ ի աջակցություն կառավարության և վարչապետի հանրահավաք կազմակերպելուց

Վարչապետի մամուլի խոսնակ Մանե Գևորգյանը ֆեյսբուքյան գրառում է արել՝ ի աջակցություն կառավարության և վարչապետի Երևանում հանրահավաք անցկացնել ցանկացող անձանց կոչ անելով զերծ մնալ ցանկացած հանրահավաք կազմակերպելուց:

«Շնորհակալություն ենք հայտնում առաջնագծից Հայաստան վերադարձած կամավորներին, ովքեր իրենց աջակցությունն են հայտնում վարչապետին ու կառավարությանը, սակայն պայմանավորված ռազմական դրությամբ և կորոնավիրուսի համավարակով՝ մենք չենք խրախուսում նման հավաքների անցկացումը և հորդորում ենք չդիմել նման քայլի:

Վստահեցնում ենք, որ ինչպես վարչապետն է նշել, ներկայացնելով առաջիկա ամիսների «ճանապարհային քարտեզ»-ը, մենք պետք է մեր ջանքերն ուղղենք բացառապես երկրի կայունության, ստեղծված իրավիճակի հաղթահարման ու այդ ուղղությամբ նախատեսվող ծրագրերի իրականացմանը», - նշված է գրառման մեջ։