Արցախից հերքում են Ստեփանակերտում՝ ադրբեջանցիների բնակվելու լուրը

• 17.12.2020, 19:09
•  Տարածաշրջան,  Աշխարհ,  Հայաստան,  ԼՂՀ

Քաղաքագետ Էդգար Էլբակյանը թելագրամյան ալիքում գրել է. 

«Երեկ և այսօր ադրբեջանական լրատվադաշտում տարածվել է Պետական վիճակագրական կոմիտեի հայտարարությունն առ այն, որ Ստեփանակերտ է վերադառնալու 12024 ադրբեջանցի փախստական։

ՀՀ իշխանությունները մինչ այս պահը որևէ կերպ չեն անդրադարձել այս լուրին»։ Այս մասին հայտնում է Panorama.am-ը։

Նշենք, որ Արցախի Հանրապետության նախագահի մամուլի խոսնակ Վահրամ Պողոսյանը հերքում է Ստեփանակերտ՝ ադրբեջանցի փախստականներ վերադառնալու լուրը: 

«Հայկական լրատվամիջոցները, հղում անելով «Вестник Кавказа» կայքին, ադրբեջանական աղբյուների հերթական ապատեղեկատվությունն են տարածում, թե իբր Ադրբեջանի 12,024 քաղաքացի կբնակեցվի Ստեփանակերտում։

Սա բացարձակ հիմարություն է, որը ադրբեջանական քարոզչամեքենան դիտավորյալ կերպով տարածում է՝ մեր հանրության շրջանում այս օրերին առկա լարված տրամադրություններն ավելի մեծացնելու համար:

Մի կարևոր դիտարկում ևս. «Вестник Кавказа» կայքի գործունեության առանցքում միշտ եղել է թշնամու քարոզչական թեզերը ռուսալեզու լսարանում տարածելը, ուստի հայկական մեդիայի պատասխանատուներին խնդրում եմ հնարավորինս զերծ մնալ այդ կայքից որևէ նյութ տարածելուց»,- գրել է նա: