ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30,434.78 դրամ ԱՐԾԱԹ - 448.59 դրամ ՊԼԱՏԻՆ - 20,679.84 դրամ

Մեր պահանջն է՝ Երևանը որևէ համաձայնագրի ստորագրությամբ չվտանգի Հայաստանի պետականությունը. Արամ Առաջին

«Ծանոթ չենք հունվարի 11-ին Մոսկվայում կայանալիք Պուտին-Փաշինյան-Ալիև հանդիման օրակարգի մանրամասններին։ Մեր պահանջն է, նաև հավատում ենք մեր ժողովրդին, որ Երևանը որևէ համաձայնագրի ստորագրությամբ չվտանգի Հայաստանի ինքնիշխանությունը, պետականությունն ու տարածքային ամբողջականությունը»,- նման հայտարարություն է տարածել Մեծի Տանն Կիլիկիո Արամ Առաջին կաթողիկոսը։

Այն տեղադրված է Արամ Առաջինի ֆեյսբուքյան էջում, փոխանցում է Panorama.am։

Արամ Առաջինը նաև նշել է, որ ադրբեջանա-թուրքական բանակի կողմից Արցախի դեմ սանձազերծված պատերազմը կասցնելուն ուղղված զինադադարի հայտարարությունը պարունակում է անորոշ կետեր, որոնք կարող են վտանգել Հայաստանի անվտանգությունն ու անկախությունը, տարածքային ամբողջականությունը։ Ըստ Մեծի Տանն Կիլիկիո կաթողիկոսի, զինադադարի հայտարարության վտանգավոր կետերը հարկավոր է հստակեցվեն Հայաստանի պահանջով ու Ռուսաստանի օժանդակությամբ։

«Հայաստանի տարածքային ամբողջականությունը և պետության ամուր ու անվթար պահպանումը անսակարկելի  համահայկական հանձնառություն է։ Մեր դարավոր պատմության ընթացքում,  ճակատագրական պահերին, ազգի ու հայրենիքի գոյությանը սպառնացող վտանգների դիմաց մեր ժողովուրդն ամեն զոհողության գնով իր «ոչ»-ն է ասել»,- նշել է Արամ Առաջինը։


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 73%
Քամի՝ 8 կմ/ժ
12 C°
 
11°  22° 
08.05.2021
13°  23° 
09.05.2021
Հարցում

Կարո՞ղ են արտահերթ ընտրությունները Հայաստանում ստեղծված ճգնաժամից դուրս գալու ելք հանդիսանալ: