ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 885,86 դրամ ԱՐԾԱԹ - 448,71 դրամ ՊԼԱՏԻՆ - 19 984,14 դրամ

Սիրիայում 91 տարեկանում մահացել է Օսմանյան դինաստիայի առաջնորդ, Աբդուլ Համիդի ծոռ Դյունդար Աբդուլքերիմ Օսմանօղլուն

Սիրիայի մայրաքաղաք Դամասկոսում 91 տարեկանում մահացել է Օսմանյան դինաստիայի առաջնորդ Դյունդար Աբդուլքերիմ Օսմանօղլուն: Yerkir.am-ի փոխանցմամբ՝ Twitter-ի իր էջում հայտնել է նրա ազգական Օրհան Օսմանօղլուն:

Նա գրել է. «Դամասկոսում կյանքից հեռացել է մեր քեռին՝ Շեհզադե Աբդուլքերիմ Դյունդար Օսմանօղլու էֆենդին»: Նրա խոսքով՝ տոհմի ղեկավարը կյանքից հեռացել է 2021 թվականի հունվարի 18-ին:

Թուրքական Anadolu գործակալությունն իր հերթին հայտնում է, որ Դյունդար Օսմանօղլուն լուրջ առողջական խնդիրներ ուներ: Մահացածի եղբորորդին՝ արքայազն Աբդուլհամիդ Քայըհան Օսմանօղլուն, բացատրել է, որ իրենք փորձել են հորեղբորը վերադարձնել Թուրքիա, բայց չեն կարողացել:

Նշենք, որ մահացածի հայրը Մեհմեդ Աբդուլքերիմն էր՝ Մեհմեդ Սելիմի որդին, որն օսմանյան արյունարբու սուլթան Աբդուլ Համիդ Երկրորդի միակ որդին էր։ Օսմանյան դինաստիան Թուրքիայից արտաքսվել է 1924 թ., երբ Աթաթուրքի որոշմամբ վերացվեց խալիֆայությունը։ Դինաստիայի ներկայացուցիչները սփռված են աշխարհով մեկ։

Դինաստիան կղեկավարի Դյունդարի եղբայրը՝ Հարուն Օսմանօղլուն։


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 57%
Քամի՝ 7 կմ/ժ
1 C°
 
  10° 
07.03.2021
   
08.03.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: