Վրաստանը պարզեցրել է Ռուսաստանի, Հայաստանի եւ Ուկրաինայի քաղաքացիների մուտքը երկիր, հայտարարել է Վրաստանի կառավարության ղեկավար Իրակլի Ղարիբաշվիլին, փոխանցում է «Sputnik-Վրաստանը»:
«Հայաստանը, Ադրբեջանը, Ուկրաինան, Ռուսաստանը եւ Բելառուսն համալրել են այն երկրների ցանկը, որոնց քաղաքացիները մարտի 1-ից կկարողանան մուտք գործել Վրաստան ՊՇՌ թեստով: Ցամաքային սահմաններին մենք շարունակում ենք պահպանել ներկայիս ռեժիմը»,- հայտնել է Ղարիբաշվիլին:
Ավելի վաղ նշված երկրների քաղաքացիները կարող էին Վրաստան մուտք գործել միայն լիարժեք պատվաստման մասին փաստաթղթի առկայության դեպքում:
