ԵՐԵՎԱՆ 25 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

«Պուտինը պատասխանատվություն է կրում մի շարք սարսափելի գործողությունների համար»․ Թրյուդո

Կանադայի վարչապետ Ջասթին Թրյուդոն նախօրեին հայտարարել է, որ ՌԴ նախագահ Վլադիմիր Պուտինը պատասխանատվություն է կրում «մի շարք սարսափելի գործողությունների» համար, գրում է France 24-ը։

Թրյուդոն, որը սովորաբար հրապարակայնորեն չի քննադատում այլ համաշխարհային առաջնորդներին, SiriusXM The Bridge ռադիոկայանին տված հարցազրույցի ժամանակ մեկնաբանել է Պուտինի մասին ԱՄՆ նախագահ Ջո Բայդենի հայտարարությունները։

«Ես վստահ եմ՝  Պուտինը պատասխանատվություն է կրում մի շարք սարսափելի բաների համար․ նրա պահվածքը շարունակում է դրա ապացույցը լինել»,- ասել է նա:

Որպես օրինակ նա բերել է «Ռուսաստանի կողմից Ղրիմի բռնակցումը, կիբեռգրոհները, և այլ երկրների ժողովրդավարություններն ապակայունացնելու փորձերը»։

Կանադայի վարչապետի խոսքով՝ վերջին հինգ տարվա ընթացքում միջազգային ֆորումներում հանդիպումների ժամանակ այնպիսի տպավորություն է ստացել, որ «Պուտինն անում է այն, ինչ իրեն հարմար է»։

«Նրան առանձնապես չի հետաքրքրում՝ ինչ է իր մասին մտածում արևմտյան աշխարհը կամ Կանադան»,- հավելել է նա:

Հարցին, թե արդյոք համաձայն է Բայդենի այն դիտարկմանը, որ Պուտինը «մարդասպան» է, Թրյուդոն պատասխանել է․ «Նման հայտարարությամբ հանդես գալու համար ես փաստող տեղեկություն չունեմ»։

Կանադայի վարչապետը նաև հավելել է, որ վստահ է՝ «Պուտինը և ՌԴ-ն չեն աջակցում Կանադային և կանադացիներին և պետք է հստակ հասկանալ՝ ինչպես կառուցել Ռուսաստանի հետ հարաբերությունները»։

Հիշեցնենք, որ Բայդենը ABC News-ին տված հարցազրույցում հայտարարել էր, որ Ռուսաստանի նախագահ Վլադիմիր Պուտինը «կվճարի 2020 թվականին ԱՄՆ-ի նախագահական ընտրություններին միջամտելու համար»։

Հարցին, թե ինչ հետևանքներ կլինեն, նա պատասխանել էր.«Շուտով կտեսնեք»։

Նա նաև նշել էր, որ լավ է ճանաչում Պուտինին։ Նրա խոսքով՝ «Պուտինը հոգի չունի»։ Հարցին, թե արդյոք կարծում է, որ ՌԴ նախագահը մարդասպան է, վերջինս պատասխանել էր․ «Այո»։

In English

Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 25%
    Քամի՝ 0,51 կմ/ժ
    25 C°
     
    26°  16° 
    21.04.2024
    25°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: