ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 099,19 դրամ ԱՐԾԱԹ - 372,71 դրամ ՊԼԱՏԻՆ - 14 714,56 դրամ

Վրաստանի համար կարևոր է, որ Հայաստանն ու Ադրբեջանը լավ հարաբերություններ ունենան. Զուրաբիշվիլի

1tv.ge

Վրաստանի նախագահ Սալոմե Զուրաբիշվիլին «Agenzia Nova Srl»-ին տված հարցազրույցում ասել է, որ Հռոմի պապի հետ հանդիպման ժամանակ խոսել է նաև Հայաստան-Ադրբեջանի միջև Լեռնային Ղարաբաղի հակամարտության մասին: Այս մասին գրում է վրացական Առաջին ալիքը։

«Ես Հռոմի պապի հետ խոսեցի նաև տարածաշրջանում մեկ այլ հակամարտության` Հայաստանի ու Ադրբեջանի միջև Լեռնային Ղարաբաղում պատերազմի մասին: Նորագույն պատմության մեջ առաջին անգամ Վրաստանը շարունակեց իր ավանդույթները և կարողացավ միջնորդի դեր կատարել երկու երկրների միջև: Հուսով ենք, որ ներկայիս իրավիճակն էլ ավելի կբարելավվի, հատկապես ՀՀ արտահերթ ընտրություններից հետո:

2020 թվականի աշնանը, հակամարտության հենց սկզբից, Վրաստանը երկու երկրների իշխանություններին առաջարկեց այցելել Թբիլիսի և կողմերի միջև երկխոսության ֆորում անցկացնել, և մենք հուսով ենք, որ հետագայում ևս դրական դեր կխաղանք:

Կարևոր է, այդ թվում նաև Վրաստանի համար, որ երկու երկրները լավ հարաբերություններ ունենան: Եթե ​​այս հակամարտությունը սրվեր, դա ևս մեկ ողբերգություն կլիներ: Մենք ցանկանում ենք ստեղծել երկխոսության և կայունության հարթակ: Սա Վրաստանին բնորոշ առանձնահատկությունն է, որը նպաստում է կրոնական դավանանքների և էթնիկական խմբերի գոյակցությանը: Վրաստանը գոյատևելու և զարգանալու այլ տարբերակ չունի», – ասել է Զուրաբիշվիլին:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
20.09.2021
17°  30° 
21.09.2021
Հարցում

Կցանկանա՞ք արձակուրդն անցկացնել Արցախում: