Ռուս խաղաղապահները Լեռնային Ղարաբաղի լեռնային ճանապարհներին ապահովել են քաղաքացիական տրանսպորտի տեղաշարժի անվտանգությունը

• 23.07.2021, 13:27
•  Աշխարհ,  ԼՂՀ

Ռուս խաղաղապահներն ավարտել են մեծ բեռներ տեղափոխող տրանսպորտային միջոցների ավտոշարասյուները լեռնային ճանապարհների երկայնքով դեպի Լեռնային Ղարաբաղի Մարտունու շրջանի հեռավոր բնակավայրեր ուղեկցելու խնդիրները, փոխանցում է aysor.am-ը՝ ՌԴ պաշտպանության նախարարության մամուլի ծառայությանը հղումով:

Ռազմական ոստիկանության ստորաբաժանումները խուզարկել են վարորդներին և տրանսպորտային միջոցները, շինանյութերով և սննդամթերքով պաշարներով վեց ավտոշարասյուն ուղեկցել բարդ ոլորաններով՝ Լաչինի միջանցքով հյուսիսային և հարավային ուղղություններով, ինչպես նաև Շուշի - Կարմիր շուկա և հակառակ ուղղությամբ:

Դիտորդական կետերի պատասխանատվության գոտիներում ռուս խաղաղապահները նաև ապահովել են մեքենաների անվտանգ տեղաշարժը:

Մարտունի շրջանի հեռավոր գյուղերում Ռուսաստանի խաղաղապահ զորակազմի ինժեներական խմբերի կողմից տարածքի ականազերծումից հետո աշխատանքներ են տարվում քաղաքացիական ենթակառուցվածքները վերականգնելու և բնակչության համար բնականոն կյանքի պայմաններ ստեղծելու ուղղությամբ:

Դիտարկման քսանյոթ կետերում ռուս խաղաղապահները շուրջօրյա վերահսկողություն են իրականացնում իրավիճակի վերաբերյալ և վերահսկում են հրադադարի ռեժիմի պահպանումը:

Օրվա ընթացքում չպայթած զինամթերքից մաքրվել է 3 հա տարածք, ստուգվել են Մարտունի շրջանի 3 շենք:

Ընդհանուր առմամբ՝ 2020 թվականի նոյեմբերի 23-ից ի վեր չպայթած զինամթերքից մաքրվել է 2201,5 հա տարածք, 657,3 կմ ճանապարհ, 1900 շենք, հայտնաբերվել և վնասազերծվել է 25 677 պայթյունավտանգ օբյեկտ:

Ռուսական խաղաղապահ զորախմբի բոլոր գործողություններն իրականացվում են կորոնավիրուսային վարակի տարածումը կանխելու միջոցառումների համաձայն:

Ռուս խաղաղապահների անվտանգությունն ապահովելու և հնարավոր միջադեպերը կանխելու համար պահպանվում է շարունակական փոխգործակցությունը Ադրբեջանի և Հայաստանի զինված ուժերի գլխավոր շտաբերի հետ: