Ժամանակն է, որ Հունաստանը պատժի մարդասպան Ալիևին. հունական ԶԼՄ-ներ

• 10.08.2022, 15:03
•  Եվրոպա,  Տարածաշրջան,  Աշխարհ

greekcitytimes

Օկուպացված հյուսիսային Կիպրոսի ղեկավար Էրսին Թաթարը Քոնիայում հանդիպել է Ադրբեջանի ցեղասպան բռնապետ Իլհամ Ալիևի հետ, գրել է Greek City Times-ը։

Ըստ թուրք-կիպրական առաջնորդի գրավոր հայտարարության՝ թաթարը Թուրքիայի նախագահ Ռեջեփ Թայիփ Էրդողանի հրավերով մեկնել է Քոնիա՝ մասնակցելու 5-րդ իսլամական համերաշխության բացման արարողությանը։

Թաթարը հանդիպել է Ալիևի հետ, հանդիպումը տևել է մոտ 40 րոպե։ Հանդիպման ընթացքում Թաթարը Ալիևին տեղեկացրել է Կիպրոսի մասին և ասել, որ իրենք Թուրքիայի հետ վարում են ներդաշնակ քաղաքականություն։

Նշելով, որ հանդիպումն անցել է անկեղծ մթնոլորտում, Թաթարն ընդգծել է, որ տրվել են երկու երկրների միջև փոխհարաբերությունների զարգացման գնահատականները։

Ավելի պարզ ասած՝ բռնապետ, մարդասպան ու կոռումպացված Ալիևը լեգիտիմացրել է կեղծ պետությունը։

Ժամանակն է, որ Հունաստանը վերջապես պատժի ենթարկի այս մարդասպանին, ով այրել է արևմտյան խիղճը՝ առնվազն երեք միլիարդ դոլար կաշառք բաժանելով արևմտյան քաղաքական գործիչներին և պաշտոնյաներին, հայտնում է News Break-ը: