«Իսլամական պետությունը» սկսել է թողարկել սեփական արժույթը ոսկուց

• 24.06.2015, 10:30
•  Մերձավոր Արևելք,  Աշխարհ

«Իսլամական պետություն» ահաբեկչական խմբավորումը սկսել է հատել իր սեփական մետաղադրամը՝ դինարը։ Մեկ ոսկե դինարը հավասար է 139 ամերիկյան դոլարին, տեղեկացնում է lenta.ru -ը։

Խմբավորման թողարկած առաջին մետաղադրամների լուսանկարներն արդեն հայտնվել են սոցկայքերում։ Դինարի մի կողմում գրառում է արված արաբերեն լեզվով, մյուս կողմում աշխարհի քարտեզն է։ Մետաղադրամների առանձնահատկություններից են նաև ցորենի 7 հասկերի պատկերները։

Մետաղադրամները շրջանառության մեջ կմտնեն մոտ ժամանակում։

Սեփական արժույթը թողարկելու մասին որոշումը ԻՊ-ն հայտնել էր դեռևս նախորդ տարվա նոյեմբերին։ Այն ժամանակ նշվում էր, որ ծայրահեղականները մտադիր են վերադարձնել դինարը, որն օգտագործվում էր վաղ իսլամի ժամանակներում։ Ինչպես և Միջնադարում, դրամները կձուլվեն մաքուր ոսկուց և արծաթից։