ԵՐԵՎԱՆ 11 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵՄ-ն 30 միլիոն եվրո է տրամադրում Հայաստանին

Եվրոպական հանձնաժողովը դեկտեմբերի 16-ին ընդունել է 30 միլիոն եվրո արժողությամբ Հայաստանի աջակցության նոր փաթեթը, որն օգնելու է Հայաստանին ապահովել աշխատանքի ավելի լավ հնարավորություններ, ամրապնդել երկրի ֆինանսական կառավարումը և բարելավել որոշումների կայացման ժողովրդավարական գործընթացներին քաղաքացիական հասարակության մասնակցությունը: Այս մասին ասվում է Եվրահանձնաժողովի տարածած հաղորդագրության մեջ:

Հայտարարելով նոր փաթեթի մասին` Եվրոպական հարևանության քաղաքականության և ընդլայնման հարցերով հանձնակատար Յոհանես Հանն ասել է. «Այս նոր աջակցությունը մեր արևելյան գործընկերոջը թույլ կտա իրականացնել կարևոր բարեփոխումներ: Սա լավ նորություն է Հայաստանի քաղաքացիների համար, քանի որ այս բարեփոխումները̦ լինեն դրանք հանրային ծառայությունների բարելավում կամ աշխատանքի հնարավորությունների ավելացում, անմիջականորեն նրանց են օգուտ բերելու»:

«Ավելի լավ որակավորում ավելի լավ աշխատատեղերի համար» գործողությունների ծրագիրը, որի արժեքը 15 միլիոն եվրո է, ուղղված է լինելու Հայաստանում աշխատաշուկայի արդյունավետությունը և աշխատուժի աշխատունակությունը բարձրացնելուն` հատուկ ուշադրություն հատկացնելով զբաղվածությանը գյուղատնտեսության ոլորտում:

«Հանրային ֆինանսների քաղաքականության բարեփոխումների ծրագիրը»̦ որի արժեքը կազմում է 10 միլիոն եվրո̦ ուղղված կլինի Հայաստանում հանրային ծախսերի հաշվետվողականության, թափանցիկության և արդյունավետության բարձրացմանը` միջազգային չափանիշների և փորձի համապատասխան: Ծրագիրը պետք է նպաստի նաև կոռուպցիայի կանխարգելմանը:

5 միլիոն արժողությամբ «Քաղաքացիական հասարակության ճկունություն» ծրագիրը մեծացնելու է քաղաքացիական հասարակության կազմակերպությունների ներուժը` արդյունավետ մասնակցելու ժողովրդավարական որոշումների կայացման գործընթացներին: Ծրագիրը բարելավելու է ՀԿ-ների կազմակերպչական կարողությունները̦ ինչպես նաև քաղաքականության մշակման/դիտարկման գործընթացում ներգրավվելու նրանց կարողությունները: 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 43%
    Քամի՝ 1,03 կմ/ժ
    10 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: