«Եվրատեսիլի» քվեարկության կարգում էական փոփոխություն է մտցվել

• 18.02.2016, 15:22
•  Եվրոպա,  Աշխարհ,  Հայաստան,  No-politics

«Եվրատեսիլ» երգի մցույթի քվեարկության կարգը 2016 թվականին արմատապես կփոխվի, հայտնում է երգի մրցույթի կայքը։

Նախորդ տարիներին ժյուրիի և հեռուստադիտողների քվեարկության արդյունքները ներկայացվում էին որպես համընդհանուր արդյունք։ Այս տարվանից սկսած՝ պրոֆիեսիոնալ ժյուրիի անդամներն ու յուրաքանչյուր երկրի հեռուստաքվեարկողներն առանձին կտան իրենց գնահատականները։ 

Սկզբում ժյուրին կքվեարկի՝ տալով 1-8,10,12 գնահատականները, որոնց մասին հաղորդավարը կհայտարարի, ինչպես նախկինում։
Հեռուստադիտողների քվեարկության արդյունքները կգումարվեն, իսկ հաղթողը հայտնի կդառնա ամենավերջին պահին։ Հաղորդավարի կողմից սկզբում կհայտարարվեն ամենաքիչ միավորները ստացած երկրները։

«Եվրատեսիլ» երգի մրցույթը այս տարի տեղի կունենա Ստոկհոլմում մայիսի 10-14-ին։