ԵՐԵՎԱՆ 3 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ցեղասպանության զոհերի պատմությունների հավաքածուն ԱՄՆ-ում մրցանակ է ստացել

armenianweekly

«Սարսափից մինչև հույս» կոչվող Հայոց ցեղասպանության զոհերի պատմությունների հավաքածուն հաղթող է ճանաչվել The Next Generation Indie Book մրցանակաբաշխության ժամանակ: Այն պարունակում է մոտ 66 պատմություն, և ներառում է Ֆիլադելֆիայի հայերի մասին պատմող կարճ պատմական փաստեր, նրանց ձեռքբերումներն ու նվաճումները, կյանքի հումորային դրվագները: Այդ մասին պատմում է Armenianweekly.com-ը։

 «Կարևոր էր գրել այս պատմությունները մեր երեխաների համար, ինչպես և մեզ են պատմել մեր ծնողները, քանի որ մենք կամրջող սերունդ ենք», - գործակալության հետ զրույցում ասել է Մարգո Պարնագյան-Սիլքը, որի գաղափարի շնորհիվ ծնվել է այս գիրքը: «Կարևոր է ոչ միայն հիշատակել Ցեղասպանությունը վերապրածների պատմությունները, այլև հարգանքի տուրք մատուցել բոլոր ներգաղթածներին, ովքեր կառուցել են համայնքն ու նպաստել հասարակության ամրապնդմանը»:

Գրքի գաղափարը զարգացել է 2015թ. Ֆիլադելֆիայի «Մենք ոչ միայն գոյատևել ենք, այլև ոգեշնչում ենք» խորագրով միջոցառման արդյունքում, որը նվիրված էր Հայոց ցեղասպանության հարյուրամյակին:

Այս նախագիծը հաջողվել է Ֆիլադելֆիայի հինգ տարածքային եկեղեցիների ներկայացուցիչների մասնակցության շնորհիվ:

Գիրքը մեկ այլ նպատակ ևս ուներ՝ տարածել այն հայ համայնքի սահմաններից դուրս, և դա հաջողվել է: Ավելի քան 100 գրքեր նվիրաբերվել են կրթական հաստատություններին և ցեղասպանությունն ուսումնասիրող կամ ուսուցանող կազմակերպություններին:

Մրցանակաբաշխությունը տեղի է ունեցել մայիսի 31-ին, Նյու Յորքի Հարվարդի ակումբում: Գրքի հանձնախմբի անունից պարգև են ստացել Քերոլ Լոնգ Կարաբաշյանն ու Սիլքը:

Թիմի մյուս անդամներն էին Կարեն Ազնավուրյան Կաննուսիոն, Մերիդիթ Հանամիրյանը, Լիզա Մանուկյանը, Սյուզաննա Շերենյանը և Պոլ Վարդան Սուքիասյանը:

Ինն ամիսների ընթացքում հանձնաժողովի անդամները սերտորեն համագործակցել են, կամավոր կերպով իրենց ժամանակն են տրամադրել, ինչպես նաև մասնագիտական ​​հմտությունները:

«Այս տարի ներկայացվել է ավելի քան 2000 գիրք, ուստի իսկապես պատիվ էր, որ հենց մեր գիրքը վերջում հաղթեց», - մեկնաբանել է Կարաբաշյանը: The Next Generation Indie Book մրցանակաբաշխությունը, որը նշում է իր 10-ամյակը, հիմնադրվել է ժամանակակից գրողներին ավելի լայն հնարավորություններ ընձեռելու նպատակով:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 60%
    Քամի՝ 0,51 կմ/ժ
    3 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: