Իսլամիստներից փախած հայ ընտանիքը պատմել է իր տանջանքների մասին

• 19.08.2017, 11:13
•  Մերձավոր Արևելք,  Հայաստան,  Սփյուռք

Panorama.am

«Իսլամական պետություն» ահաբեկչական խմբավորման գրոհայինների վերահսկողության ներքո գտնվող Սիրիական Ռաքքա քաղաքում ապրած հայ ընտանիքը պատմել է տանջանքների մասին, հայտնում է Panorama.am-ը:

«Մենք հարկ էին վճարում իսլամիստներին, որը հայտնի է որպես jezyah: Դա անհրաժեշտ էր, մեզ փրկելու և պատժից խուսափելու համար: Եթե մենք նրանց պահանջները չկատարեինք, ապա պատժվելու էինք նրանց կանոնների համաձայն», - պատմել են ընտանիքի անդամները:

Նրանք հագնվել են այնպես, ինչպես պահանջել են գրոհայինները՝ ծածկելով մարմնի գրեթե բոլոր մասերը:

«Մի քանի ամիս անց մեզ մոտ ոչ ուտելիք էր մնացել, ոչ ջուր, հոսանքն էլ պարբերաբար անջատում էին: Այստեղ հրթիռներ էին թռչում, բոլոր պատուհաններն ու դռները կոտրված էին: Մենք թաքնվում էինք նկուղում»,-պատմել է հայկական ընտանիքը:

Մոտ մեկ ամիս առաջ ընտանիքը կարողացել է փախչել Ռաքքայից, հասնել ու հաստատվել քաղաքից ոչ շատ հեռու մի բնակավայրում, որը գտնվում է սիրիական իշխանությունների վերահսկողության ներքո: