ՀՀ արտաքին քաղաքական գերակայությունները ՀՀ-ԵՄ Համապարփակ և ընդլայնված գործընկերության համաձայնագրում (Տեղեկանք)

Եվրամիության կողմից օրերս հրապարակվեց Հայաստանի հետ նախաստորագրված «Համապարփակ և ընդլայնված գործընկերության համաձայնագիրը Եվրոպական Միության և Ատոմային էներգիայի եվրոպական համայնքի ու դրա անդամ պետությունների` մի կողմից, և Հայաստանի Հանրապետության միջև` մյուս կողմից», որի վերջնական ստորագրումը նախատեսվում է առաջիկայում: «Արմեդիա» ՏՎԳ-ն ներկայացնում է տեղեկանքների շարք համաձայնագրում տեղ գտած ամենակարևոր և հանրային հնչեղություն ստացած հարցերի վերաբերյալ:
Հետագայում, ըստ անհրաժեշտության, հաշվի առնելով հանրային հետաքրքրությունները, անդրադարձ կկատարվի նաև այն հարցերին, որոնք այս շարքում ներառված չեն:
Արտաքին քաղաքականության հարցերին Համաձայնգրում անդրադարձ է կատարվում փաստաթղթի նախաբանում, Մաս II-ում՝ Հոդված 3-11: Ընդհանուր ծավալը՝ մոտավորապես 11 էջ:
Ղարաբաղյան հիմնախնդիր
Ղարաբաղյան հիմնախնդրին Համաձայնագրի տեքստում անդրադարձ կատարվում է նախաբանում: Դրանում հղում է կատարվում հակամարտության խաղաղ կարգավորման Հայաստանի հանձնառությանը, Հելսինկյան եզրափակիչ ակտի երեք սկզբունքներին, ինչպես նաև ԵԱՀԿ ՄԽ շրջանակներում ընթացող բանակցային գործընթացին ԵՄ աջակցությանը:
Համաձայնագրում ասված է. «ԸՆԴՈՒՆԵԼՈՎ Լեռնային Ղարաբաղի հակամարտության խաղաղ և երկարատև կարգավորման համար Հայաստանի Հանրապետության հանձնառության կարևորությունը և ԵԱՀԿ Մինսկի խմբի համանախագահների կողմից վարվող բանակցությունների շրջանակներում այդ կարգավորմանը հնարավորինս շուտ հասնելու անհրաժեշտությունը. ընդունելով նաև ՄԱԿ-ի կանոնադրության մեջ և ԵԱՀԿ Հելսինկյան եզրափակիչ ակտում ամրագրված նպատակների և սկզբունքների հիման վրա այդ կարգավորմանը հասնելու անհրաժեշտությունը, մասնավորապես, այն նպատակների և սկզբունքների, որոնք առնչվում են սպառնալիքից կամ ուժի կիրառումից խուսափելուն, պետությունների տարածքային ամբողջականությանը և անձանց հավասար իրավունքներին ու ինքնորոշմանը և արտացոլված են ԵԱՀԿ 2008 թվականի նախարարների խորհրդի 16-րդ հանդիպումից ի վեր ԵԱՀԿ Մինսկի խմբի համանախագահության շրջանակներում ընդունված բոլոր հռչակագրերում. հաշվի առնելով նաև կարգավորման այս գործընթացին աջակցելու՝ Եվրոպական միության հաստատված հանձնառությունը»:
Բացի այդ, «ՔԱՂԱՔԱԿԱՆ ԵՐԿԽՈՍՈՒԹՅՈՒՆԸ ԵՎ ԲԱՐԵՓՈԽՈՒՄԸ. ԱՐՏԱՔԻՆ ԵՎ ԱՆՎՏԱՆԳՈՒԹՅԱՆ ՔԱՂԱՔԱԿԱՆՈՒԹՅԱՆ ՈԼՈՐՏՈՒՄ ՀԱՄԱԳՈՐԾԱԿՑՈՒԹՅՈՒՆԸ» գլխի Հոդված 3-ում ամրագրվում է, որ ՀՀ և ԵՄ միջև քաղաքական երկխոսությունը պետք է նպատակ հետապնդի. «թ) խթանել հակամարտությունների խաղաղ կարգավորումը, ժ)խթանել ՄԱԿ-ի կանոնադրության մեջ ամրագրված դրա նպատակներն ու սկզբունքները և մասնակից պետությունների միջև հարաբերություններն ուղղորդող սկզբունքները՝ ԵԱՀԿ Հելսինկյան եզրափակիչ ակտով սահմանված կարգով»:
Հոդված 8-ում նաև նշվում է, որ «Կողմերն ընդգծում են հակամարտությունների խաղաղ կարգավորման համար համաձայնեցված առկա ձևաչափերի կարևորությունը»՝ այդ կերպ ամրագրելով հավատարմությունը ԵԱՀԿ ՄԽ համանախագահության ներքո իրականացվող միջնորդությանը:
Հայ-թուրքական հարաբերություններ
Հայ-թուրքական հարաբերություններին ուղղակի անդրադարձ չի կատարվում, սակայն Հոդված 3-ում նշվում է, որ ՀՀ և ԵՄ միջև քաղաքական երկխոսությունը պետք է նպատակ հետապնդի. « ժա) խթանել տարածաշրջանային համագործակցությունը, զարգացնել բարիդրացիական հարաբերությունները և բարձրացնել տարածաշրջանային անվտանգության մակարդակը, այդ թվում՝ տարածաշրջանային առևտուրը և միջսահմանային տեղաշարժը խթանելու համար սահմանները բացելուն ուղղված միջոցառումներ ձեռնարկելով»:
Հոդված 8-ում առկա է նման ձևակերպում, որն առնչվում է ինչպես հայ-թուրքական հարաբերություններին, այնպես էլ Ղարաբաղյան հակամարտությանը. «Հետագա տարածաշրջանային համագործակցության պայմանները բարելավելու համար Կողմերը պետք է ակտիվացնեն իրենց համատեղ ջանքերը՝ խթանելով անդրսահմանային տեղաշարժով բաց սահմանների առկայությունը, բարիդրացիական հարաբերությունները և ժողովրդավարական զարգացումը՝ այդպիսով նպաստելով կայունությանը և անվտանգությանը, ինչպես նաև պետք է աշխատեն հակամարտությունների խաղաղ կարգավորման ուղղությամբ»:
Հայոց ցեղասպանություն
Հայոց ցեղասպանության հարցն ուղղակիորեն փաստաթղթում արտացոլված չէ, բայց Հոդված 6-ում նշվում է, որ «Կողմերը համաձայնում են սերտորեն համագործակցել ցեղասպանության, մարդկության դեմ հանցագործությունների և պատերազմական հանցագործությունների կանխարգելման շուրջ` օգտվելով համապատասխան երկկողմ և բազմակողմ շրջանակներից»:
Համագործակցություն արտաքին քաղաքականության հարցերում
Արտաքին քաղաքականությանն առնչվող հարցերում նպատակ չի սահմանվում մոտեցումների համաձայնեցումը, այլ շեշտը դրվում է այդ հարցերում համագործակցության ամրապնդման և արդյունավետության բարձրացման վրա: «Հետագայում պետք է Կողմերի միջև սկսվի և ամրապնդվի փոխադարձ հետաքրքրություն ներկայացնող բոլոր ոլորտների, այդ թվում` արտաքին քաղաքականության և անվտանգության հարցերի, ինչպես նաև ներքին բարեփոխումների շուրջ քաղաքական երկխոսություն: Այդ երկխոսությամբ կբարձրացվի արտաքին քաղաքականության և անվտանգության հարցերի շուրջ քաղաքական համագործակցության արդյունավետությունը` ընդունելով Հայաստանի Հանրապետության կողմից՝ միջազգային կազմակերպություններում և համագործակցության ձևաչափերում իր մասնակցությանը և դրանից բխող իր առկա պարտավորություններին տրվող կարևորությունը»,- նշված է Հոդված 3-ում:
Կարևորվում է ոչ միայն ԵՄ հետ երկկողմ համագործակցությունը, այլև փոխգործակցությունը միջազգային և տարածաշրջանային հարթակներում: Հոդված 5-ում նշվում է, որ «Կողմերը պետք է ակտիվացնեն արտաքին և անվտանգության քաղաքականության, այդ թվում` ընդհանուր անվտանգության և պաշտպանության քաղաքականության ոլորտում իրենց երկխոսությունը և համագործակցությունը` ընդունելով Հայաստանի Հանրապետության կողմից՝ միջազգային կազմակերպություններում և համագործակցության ձևաչափերում իր մասնակցությանը և դրանից բխող իր առկա պարտավորություններին տրվող կարևորությունը»: Նաև նշվում է, որ «Համագործակցությունը պետք է հիմնված լինի ընդհանուր արժեքների և փոխադարձ հետաքրքրությունների վրա և պետք է ուղղված լինի դրա արդյունավետության բարձրացմանը՝ օգտվելով երկկողմ, միջազգային և տարածաշրջանային հարթակներից, մասնավորապես՝ ԵԱՀԿ-ի»:
ԱՅԼ
Քաղաքական և անվտանգության ոլորտում համագործակցության գլխում անդրադարձ է կատարվում նաև Զանգվածային ոչնչացման զենքերի չտարածման և զինաթափման ոլորտում համագործակցությանը, Փոքր տրամաչափի զինատեսակների և թեթև զենքերի ու սովորական զենքի արտահանման նկատմամբ վերահսկողությանը:
Առանձին հոդվածով անդրադարձ է կատարվում ահաբեկչության դեմ պայքարին: «Կողմերը վերահաստատում են ահաբեկչության դեմ պայքարի և դրա կանխարգելման կարևորությունը և համաձայնում են միասին աշխատել երկկողմ, տարածաշրջանային և միջազգային մակարդակով՝ ահաբեկչությունն իր բոլոր ձևերով և դրսևորումներով կանխարգելելու և դրա դեմ պայքարելու համար»,- ասված է Հոդված 11-ում:
այլ նյութեր այս թեմայով
- ՀՀ-ԵՄ համաձայնագրի կյանքի կոչման հարցում խորհրդարանն ունենալու է շատ մեծ անելիք. Կարեն Բեքարյան Կարեն Բեքարյանը հույս հայտնեց, որ համաձայնագրի վավերացման արդյունքները զգալու ենք բոլորս, այդ թվում՝ քաղաքացին:...
- Նախագահին հավատարմագրերն է հանձնել Լեհաստանի նորանշանակ դեսպանը Զրուցակիցները միջպետական հարաբերությունների ամրապնդման տեսանկյունից մեծապես կարևորել են միջխորհրդարանական...
- Հայաստանը քաղաքական կամք է ցուցաբերում՝ առաջ մղելու Եվրամիության հետ հարաբերությունները. Ա.Կարապետյան Ինտեգրացիոն գործընթացների համատեքստում 2017թ. Հայաստանի համար կարևորագույն նվաճումը ՀՀ-ԵՄ Համապարփակ և ընդլայնված...
- Խորանում է Հայաստանի և Եվրամիության համագործակցությունը արտակարգ իրավիճակների ոլորտում Անդրադառնալով դեկտեմբերի 7-ին Սպիտակի երկրաշարժի օրվա հիշատակմանը՝ ԱԻ նախարարը նշեց, որ հաջորդ տարի Սպիտակի երկրաշարժի...
- Արցախի Ազգային ժողովի նախագահ. ՀՀ-ԵՄ համաձայնագիրն անուղղակիորեն իր ազդեցությունը կունենա նաև Արցախում «ԵՄ հետ համագործակցության համաձայնագիրը, որը նոր չափանիշներ է ուղենշում ՀՀ-ում բիզնես միջավայրի կանխատեսելիության...
-
21:54
Շառլ Ազնավուրը հրավիրում է բոլոր կողմերին հավաքվել քննարկումների սեղանի շուրջ
-
19:46
Սարգսյան-Փաշինյան հանդիպում. կշարունակի՞ երկխոսությունը
-
19:25
Էդվարդ Նալբանդյանը Հայաստանում հավատարմագրված դեսպանների հետ քննարկել է ներհայաստանյան իրավիճակը
-
19:05
Հակառակորդը ինտենսիվորեն խախտում է հրադադարը, նկատվում են կենդանի ուժի և զինտեխնիկայի ակտիվ տեղաշարժեր. ԼՂՀ ՊՆ
-
18:37
Արմեն Սարգսյանը պատրաստակամ է հանդիպել Նիկոլ Փաշինյանին
-
18:29
Դոնալդ Տուսկը և Ժան-Կլոդ Յունկերը շնորհավորել են Սերժ Սարգսյանին
-
18:10
Նովրուզ Մամեդովը նշանակվել է Ադրբեջանի վարչապետ
-
17:35
Վարչապետ Սերժ Սարգսյանի պատասխանը «Լույս» հիմնադրամի մի խումբ շրջանավարտների բաց նամակին
-
17:16
Սպասվում է փոփոխական եղանակ հանգստյան օրերին
-
16:35
Թուրքիան համառորեն հրաժարվում է ճանաչել Հայոց ցեղասպանությունը. Կիպրոսի խորհրդարանի հայ պատգամավոր
-
15:25
ԱԱԾ-ն Հայաստանում նախապատրաստվող ահաբեկչություններ է կանխել
-
14:28
Արցախի նախագահը կոչ է արել վիճահարույց հարցերը կարգավորել երկխոսության միջոցով և ցուցաբերել զսպվածության
-
14:15
Արդարադատության նախարարությունը ցուցարարներին իրազեկել է ստեղծված իրավիճակին համապատասխան օրեսդրության մասին
-
13:36
7 օր առաջնագծում. հակառակորդը հրադադարը խախտել է 320 անգամ
-
13:04
ՊՆ-ն հորդորել է Երևանում հավաքի կազմակերպիչներին զերծ մնալ ՊՆ վարչական համալիրի շրջակա փողոցների արգելափակումից
-
12:51
Սերժ Թանկյանը դեռ չի գա Հայաստան (ՏԵՍԱՆՅՈՒԹ)
-
12:45
Ոստիկանությունը հավաքի դադարեցման որոշում է կայացրել. պահանջը ներկայացվել է Նիկոլ Փաշինյանին
-
12:35
Սերժ Սարգսյանը կոչ է անում Նիկոլ Փաշինյանին անհապաղ նստել քաղաքական երկխոսության և բանակցությունների սեղանի շուրջ
-
11:58
Ֆրիդա Կալոյի բարեկամները ժամանակավորապես դադարեցրել են նրա կերպարով Բարբի տիկնիկների վաճառքը
-
11:20
Նախագահ Սարգսյանը հրաժեշտի հանդիպում է ունեցել Լիտվայի դեսպանի հետ
օրվա
շաբաթվա
ամսվա
-
21:12
Գարո Փայլանը Թուրքիայի խորհրդարանում կոչ է արել թուրքերին ճանաչել Հայոց ցեղասպանությունը
-
18:00
Վիգեն Սարգսյանը՝ Փաշինյանի մասին
-
22:56
Կարեն Կարապետյան. Առաջարկում եմ երկրի ապագայի համար անհանգիստ մարդկանց երկխոսություն սկսել բոլոր հարթակներում
-
20:39
Գարեգին Բ-ն շնորհավորել է Սերժ Սարգսյանին
-
19:02
Էրդողանը՝ Ֆրանսիայի նախագահին․ «Ո՞վ եք Դուք, որ համարձակվում եք Ձեր միջնորդությունն առաջարկել»
-
20:27
Հայերն ու հույները դիպուկահարների դեմ սարք են ստեղծել
-
20:11
Էրդողանը` Եվրոպայի թուրքերին. «Այն երկրներում, որտեղ ապրում եք, առաջին կարգի իրավունքների տեր եք դառնալու»
-
12:37
Ապրիլյան ձմեռ. Գագիկ Սուրենյանը լուսանկարներ է հրապարակել
-
20:04
Երևանի փողոցներով ցուցարարների ուղղությամբ զինվորական շարասյուն չի շարժվում. Արծրուն Հովհաննիսյան
-
15:31
Կեմերովոյի փոխմարզպետը ծնկաչոք ներողություն է խնդրել ժողովրդից (լուսանկար)
Խոնավություն՝ 70%
Քամի՝ 11.27 կմ/ժ