ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 612,58 դրամ ԱՐԾԱԹ - 265,97 դրամ ՊԼԱՏԻՆ - 15 395,74 դրամ

Հայաստանը քաղաքական կամք է ցուցաբերում՝ առաջ մղելու Եվրամիության հետ հարաբերությունները. Ա.Կարապետյան

© Panorama.am

Ինտեգրացիոն գործընթացների համատեքստում 2017թ. Հայաստանի համար կարևորագույն նվաճումը ՀՀ-ԵՄ Համապարփակ և ընդլայնված գործընկերության համաձայնագրի կնքումն է, որը երկարատև քաղաքական գործընթացի և կատարված մեծ աշխատանքի արդյունք էր: Այդ մասին այսօր «Նովոստի-Արմենիա» մամուլի ակումբում տեղի ունեցած մամուլի ասուլիսի ժամանակ ասել է «Հայացք» կիրառական քաղաքականության և հետազոտությունների վերլուծական կենտրոնի փորձագետ, «Եվրոպական ինտեգրացիա» ՀԿ վարչության անդամ Աննա Կարապետյանը։

«Հայաստանը մեծ քաղաքական կամք դրսևորեց 2013թ. ԵԱՏՄ-ին անդամակցելու որոշումից հետո ԵՄ հետ քաղաքական երկխոսությունը պահպանելու և նոր համաձայնագրի ստորագրմանը հասնելու համար»,- ասել է փորձագետը՝ շեշտելով, որ Հայաստանը նաև ցույց է տալիս, որ շահագրգռված է հնարավորինս արագ առաջ մղել գործընթացը: Փորձագետի խոսքերով, այդ մասին է վկայում այն, որ ՀՀ նախագահն արդեն իսկ հրամանագիր է ստորագրել ՀՀ-ԵՄ համաձայնագրի կյանքի կոչման հարցերը համակարգող միջգերատեսչական հանձնաժողովի ստեղծման վերաբերյալ: Բացի այդ, Հայաստանն առաջինն է ԱլԳ երկրներից, որ ստորագրել է ԵՄ հետ Գործողությունների ծրագիրը:

ԵՄ-ն, իր կողմից, նույնպես կամք է ցուցաբերում գործընթացն առաջ մղելու համար: «Այդ մասին է վկայում ՀՀ-ում ԵՄ դեսպան Պյոտր Սվիտալսկու հայտարարությունն այն մասին, որ Հայաստանում զարգացման ծրագրերի համար հատկացվող գումարը մեծացվելու է 20-25 տոկոսով»,- ասել է Ա.Կարապետյանը: Նշենք, որ 2017-2020թթ. համար հաստատվել էր 160 մլն եվրո աջակցություն:

Փորձագետը նշել է, որ հաջորդ փուլում կարևոր է լինելու համաձայնագրի հնարավորինս արագ վավերացումը թե´ Հայաստանի, թե´ ԵՄ անդամ երկրների և Եվրախորհրդարանի կողմից: «Բացի այդ, կարևոր է լինելու ապահովել Համաձայնագրի կատարման թափանցիկությունը, ինչպես նաև դրանից բխող օգուտների տեսանելիությունը քաղաքացիների համար»,- ընդգծել է փորձագետը: Որպես մյուս կարևոր խնդիր նշվել է, ԱլԳ երկրների արհեստական խմբավորումը հաղթահարելու և Ասոցոցման համաձայնագիրը ստորագրած երկրների համար գործող հարթակները Հայաստանի համար նույնպես հասանելի դարձնելու անհրաժեշտությունը:

Ամփոփելով Ա. Կարապետյանն ընդգծել է, որ ՀՀ-ԵՄ համաձայնագրի ստորագրումը բավական դրական է ընկալվել նաև ԵԱՏՄ գործընկերների կողմից և կարող է նպաստել թե´ ԵԱՏՄ-ում Հայաստանի դերի ամրապնդմանը, թե´ ԵԱՏՄ-ԵՄ հետագա համագործակցության համար հիմքերի ապահովմանը: 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 62%
Քամի՝ 28.97 կմ/ժ
3 C°
 
   
20.01.2018
-1°   
21.01.2018
Հարցում

Արդյո՞ք այս ձմեռ Հենրիխ Մխիթարյանը կհեռանա «Մանչեսթեր Յունայթեդ» թիմից: