ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 997,1 դրամ ԱՐԾԱԹ - 265,69 դրամ ՊԼԱՏԻՆ - 14 527,94 դրամ

Քաղաքացիական հասարակության հետ համագործակցություն. ՀՀ-ԵՄ համաձայնագիր (ՏԵՂԵԿԱՆՔ)

Yerkir.am

Եվրամիության կողմից օրերս հրապարակվեց Հայաստանի հետ նախաստորագրված «Համապարփակ և ընդլայնված գործընկերության համաձայնագիրը Եվրոպական Միության և Ատոմային էներգիայի եվրոպական համայնքի ու դրա անդամ պետությունների` մի կողմից, և Հայաստանի Հանրապետության միջև` մյուս կողմից», որի վերջնական ստորագրումը նախատեսվում է առաջիկայում: «Արմեդիա» ՏՎԳ-ն ներկայացնում է տեղեկանքների շարք համաձայնագրում տեղ գտած ամենակարևոր և հանրային հնչեղություն ստացած հարցերի վերաբերյալ:

Հետագայում, ըստ անհրաժեշտության, հաշվի առնելով հանրային հետաքրքրությունները, անդրադարձ կկատարվի նաև այն հարցերին, որոնք այս շարքում ներառված չեն:  

Քաղաքացիական հասարակության հետ համագործակցությանն առնչվող հարցերին Համաձայնգրում անդրադարձ է կատարվում փաստաթղթի Մաս III-ում՝ Հոդված 102-108:  Ընդհանուր ծավալը՝ մոտավորապես 5 էջ:

 

Համաձայնագիրը հստակեցնում է ՀՀ-ԵՄ համագործակցության նոր շրջանակները՝ այդ թվում անդրադառնալով քաղաքացիական հասարակության հետ համագործակցությանը: Մասնավորապես, քաղաքացիական հասարակության հետ համագործակցության շուրջ կողմերը պետք է հաստատեն երկխոսություն՝ ԵՄ-ում և ՀՀ-ում քաղաքացիական հասարակության բոլոր հատվածների միջև շփումները և տեղեկությունների ու փորձի փոխանակումն ամրապնդելու, ԵՄ-ում Հայաստանի, այդ թվում՝ դրա պատմության և մշակույթի մասին առավել շատ տեղեկացվածության, ինչպես նաև Հայաստանում ԵՄ-ի մասին պատկերացման ու ընկալման մակարդակը բարձրացնելու նպատակով: Բացի այդ, համաձայնագրով կողմերը պարտավորվում են խթանել երկու կողմերից քաղաքացիական հասարակության շահագրգիռ անձանց միջև երկխոսությունը և համագործակցությունը՝ ապահովելու քաղաքացիական հասարակության ներգրավումը ԵՄ և ՀՀ միջև հարաբերություններին, ընդլայնելու պետական որոշումների կայացման գործընթացին քաղաքացիական հասարակության մասնակցությունը և այլն: Սույն գլխով նախատեսված հարցերի շուրջ կողմերի միջև պետք է կազմակերպվի կանոնավոր երկխոսություն։

Այս ոլորտին առնչվող հոդվածների մեջ նշվում է նաև, որ կողմերը պետք է ամրապնդեն և խրախուսեն միջսահմանային համագործակցության զարգացումը, ինչպես նաև անդրազգային և միջտարածաշրջանային ծրագրերի միջոցով ակտիվացնեն իրենց շրջանների միջև համագործակցությունը։ 

այլ նյութեր այս թեմայով


Եղանակ
Երևան
Ամպամած
Խոնավություն՝ 68%
Քամի՝ 6.44 կմ/ժ
6 C°
 
  13° 
20.11.2017
  14° 
21.11.2017
Հարցում

Արդյո՞ք Ղարաբաղյան հակամարտության կարգավորման գործընթացը դուրս կգա փակուղուց Սարգսյան-Ալիև հանդիպումից հետո: