Մանուել Պետրոսյանը՝ շախմատի Մ 20 տարեկանների աշխարհի փոխչեմպիոն

• 26.11.2017, 09:33
•  Հայաստան,  No-politics

Chess.am

Իտալիայի Տարվիզիո քաղաքում ավարտվեց մինչև 20 տարեկան շախմատիստների աշխարհի առաջնությունը, որտեղ Հայաստանի ներկայացուցիչ, գրոսմայստեր Մանուել Պետրոսյանը նվաճեց փոխչեմպիոնի կոչումը, հայտնում է ՀԱՕԿ լրատվական բաժինը:

Մանուելը մի փոքր անվստահ մեկնարկեց, սակայն առաջնության երկրորդ հատվածն անցկացրեց վերելքով և 11 հնարավորից վաստակելով 8,5 միավոր՝ եզրափակիչ տուրում հավասարվեց չեմպիոն դարձած նորվեգացի Այան Տարիին, սակայն ոսկին զիջեց լրացուցիչ գործակիցներով:

Հայկ Մարտիրոսյանը 7,5 միավորով 16-րդն է, Տիգրան Հարությունյանը՝ 43-րդը (6,5 միավոր) :

Աղջիկների առաջնությունում Սիրանուշ Ղուկասյանը 5,5 միավորով պայքարն ավարտեց 41-րդ հորիզոնականում: