Նախագահը մասնակցել է Հայաստանի տարվա 10 լավագույն մարզիկների պարգևատրման և մեծարման հանդիսավոր արարողությանը (ԼՈՒՍԱՆԿԱՐՆԵՐ)
Նախագահ Սերժ Սարգսյանն այսօր Կարեն Դեմիրճյանի անվան մարզահամերգային համալիրում մասնակցել է Հայաստանի «Տարվա 10 լավագույն մարզիկներ» 2017 թվականի մրցույթի հաղթողների և 2017 թվականի ընթացքում մարզական բարձր նվաճումներ ունեցած մարզիկների պարգևատրման ու մեծարման հանդիսավոր արարողությանը:
Նախատոնական հանդիպմանը Հանրապետության Նախագահը շնորհավորել է մարզաշխարհի բոլոր ներկայացուցիչներին Ամանորի և Սուրբ Ծննդյան տոների առթիվ, մաղթել քաջառողջություն, երջանկություն անձնական կյանքում և նորանոր հաջողություններ համաշխարհային մրցահարթակներում՝ ի փառս հայկական սպորտի և հայրենիքի:
Նախագահ Սարգսյանը ֆիզիկական կուլտուրայի և սպորտի ասպարեզում ունեցած վաստակի համար պատվավոր կոչումներ է շնորհել մի շարք մարզիկների և մարզիչների, խրախուսել նաև դրամական պարգևներով ու նվերներով:
Միջոցառման շրջանակներում լավագույն տասնյակին Հայաստանի սպորտի և երիտասարդության հարցերի նախարար Հրաչյա Ռոստոմյանը հանձնել է հավաստագրեր և խորհրդանիշ-արձանիկներ, իսկ մրցանակները հանձնել է Հայաստանի ազգային օլիմպիական կոմիտեի (ՀԱՕԿ) նախագահ Գագիկ Ծառուկյանը:
Հանդիսավոր արարողության ժամանակ ՀԱՕԿ նախագահ Գագիկ Ծառուկյանը Հանրապետության Նախագահին է փոխանցել Բանակի կենտրոնական մարզական ակումբի հիմնադիրներից մեկին` Արմենակ Ալաջաջյանին ակումբի 80-ամյակի առթիվ շնորհված հոբելյանական գավաթը:
Սերժ Սարգսյանը մարզիկների պարգևատրման և մեծարման հանդիսավոր արարողության ժամանակ իր շնորհավորական խոսքն է հղել մարզաշխարհի ներկայացուցիչներին:
***
Նախագահի շնորհավորական խոսքը մարզաշխարհի ներկայացուցիչների պարգևատրման և մեծարման հանդիսավոր արարողության ժամանակ
Սիրելի՛ մարզիկներ, մարզիչներ,
Հայկական սպորտի հարգելի՛ ներկայացուցիչներ,
Ջերմորեն շնորհավորում եմ ձեզ գալիք Ամանորի և Սուրբ Ծննդյան տոների կապակցությամբ:
Անցնող տարում մեր մարզաշխարհի ներկայացուցչներն իրոք արձանագրեցին լուրջ հաջողություններ: Այդ մասին այստեղ արդեն բավականաչափ խոսքեր հնչեցին և, իհարկե, դեռ հնչելու են: Մեզ համար ձեր հաղթանակներն իսկապես թանկ են և իրոք կարևոր՝ հատկապես երեք պատճառով:
Առաջին. դա մեր ողջ ժողովրդի և հատկապես երիտասարդ սերնդի ներկայացուցիչների մեջ արթնացնում է մեծ խանդավառություն և ոգևորություն: Մեկ օլիմպիական չեմպիոնը կամ մեկ աշխարհահռչակ ֆուտբոլիստն իր հետևից մարզադահլիճներ է տանում հազարավոր երեխաների, պատանիների և աղջիկների:
Երկրորդ. զանգվածային սպորտը պետք է դառնա մեր հասարակության կենսակերպի բաղկացուցիչ մաս: Առողջ ապրելակերպը ենթադրում է, որ մենք պետք է ունենանք առողջ քաղաքացիներ: Հին ճշմարտություն է, որ հիվանդներին բուժելը շատ ավելի թանկ է, քան առողջությունը պահպանելը:
Մենք անընդհատ ասում և կրկնում ենք, որ Հայաստանի ամենաարժեքավոր պաշարները նրա քաղաքացիներն են: Պետք է ջանք ու եռանդ չխնայենք, որպեսզի այդ մարդիկ վարեն առողջ կենսակերպ և լինեն ակտիվ նաև իրենց մասնագիտական բնագավառից դուրս:
Դուք անելիք ունեք այդ թանկ մարդկային կապիտալը ձևավորելու գործում: Շնորհակալ եմ ձեզ, սիրելի՛ մարզիկներ, որ դուք ձեր օրինակով ոգեշնչում եք հազարավոր մարդկանց:
Ձեր հաղթանակների կարևորության երրորդ պատճառն, իհարկե, Հայաստան աշխարհի և հայ ժողովրդի հանրահռչակումն է: Տիգրան Պետրոսյանի, Ալբերտ Ազարյանի և իրենց կյանքի օրոք արդեն առասպել դարձած այլ մարզիկների շնորհիվ բազմաթիվ մարդիկ լսեցին «Հայաստան» և «հայ» անունները:
Դուք բազմապատկում եք մեր ժողովրդի փառքը ողջ աշխարհում: Ազգն ու պետությունը ճանաչելի են առաջին հերթին իրենց զավակներով: Դուք արժանի զավակներ եք, և մենք հպարտանում ենք ձեզնով: Հայաստանի դրոշը, օրհներգն ու զինանշանը միջազգային մրցասպարեզներում թնդացնում են համայն հայության սրտերը:
Հարգելի՛ բարեկամներ,
Այս անգամ փորձ է արվել համապարփակ և արդյունավետ իրավական կարգավորում տալ Հայաստանի «Տարվա 10 լավագույն մարզիկներ» մրցանակաբաշխությանը: Սա ևս մեկ կարևոր դաս է, որ սպորտի միջոցով ստանում են ոչ միայն այն երիտասարդները, այլև ողջ հասարակությունը՝ հաղթանակները պետք է նվաճվեն արդար մրցակցությամբ: Անարդարությամբ ձեռքբերված հաղթանակները որակազրկվում են և՛ ուղղակի, և՛ փոխաբերական իմաստով:
Արդարության, հրապարակայնության, թափանցիկության, հայտարարված մրցույթի կանոնների հստակության շնորհիվ այս տարվա լավագույն մարզիկների տասնյակը ճանաչվում է ողջ սպորտային համայնքի, մարզական լրագրողների և ամենագլխավորը՝ մեր հանրության տարբեր խավերի կողմից:
Կարևորում եմ այս հանգամանքը, քանի որ գտնում եմ, որ սպորտում բաժանարար գծերի անցկացումն անթույլատրելի է: Վստահ եմ, որ այս մոտեցման արդյունքում տարվա լավագույն մարզիկների մրցութային ընտրության շուրջ Հայաստանի սպորտային ընտանիքի համերաշխության վերականգնումը և իրականացվող գործընթացի նկատմամբ վստահության բարձրացումն այլևս իրականություն է:
Միաժամանակ գտնում եմ, որ չպետք է կանգ առնել: Անհրաժեշտ է մեծացնել այս կարևոր նախաձեռնության անցկացման աշխարհագրությունը: Ես արդեն հանձնարարել եմ քննարկել և մշակել մրցանակաբաշխությանը սփյուռքի մարզական կառույցների և սփյուռքահայ մարզիկների ակտիվ ներգրավման նոր ձևաչափեր: Հայաստան-Արցախ-սփյուռք եռամիասնության ոգուց է բխում մրցույթի հիմքում դրված երկու առանցքային սկզբունք. սպորտային նշանակալի նվաճումներ և Հայաստանի հանրահռչակում: Դա այս միջոցառմանը կհաղորդի նոր տրամաբանություն և որակ:
Սիրելի՛ մարզիկներ, մարզուհիներ և մարզիչներ,
Հայկական սպորտի հարգելի՛ ներկայացուցիչներ,
Համոզված եղեք, որ ձեր առջև ծառացած խնդիրները պետության համապատասխան կառույցների և անձամբ իմ ուշադրության կենտրոնում են լինելու միշտ: Անշուշտ, ուզում եմ շնորհակալություն հայտնել ՀԱՕԿ նախագահ պարոն Գագիկ Ծառուկյանին, մեր սպորտային ֆեդերացիաների նախագահներին իրենց անձնական ջանքերն ու միջոցները մեր սպորտի զարգացմանն ուղղելու համար:
Կրկին շնորհավորելով Ամանորի և Սուրբ Ծննդյան տոների կապակցությամբ` մաղթում եմ ձեզ քաջառողջություն, երջանկություն անձնական կյանքում և նորանոր հաջողություններ համաշխարհային մրցահարթակներում՝ ի փառս հայկական սպորտի և մեր հայրենիքի:
այլ նյութեր այս թեմայով
- Հայաստանի ազգային հավաքականը զիջեց Խորվաթիայի ընտրանուն Մեր ընտրանին պարտվեցմրցակցին 0։1 հաշվով։
- Հայաստանի ազգային հավաքականը ոչ-ոքի խաղաց Թուրքիայի ընտրանու հետ Խաղն ավարտվեց ոչ-ոքի՝ 1:1 հաշվով:
- Հայաստանի ազգային հավաքականը ժամանեց Թուրքիա Հավաքականը կհանգրվանի Radisson Individuals հյուրանոցում:
- Սարգիս Ստեփանյանը՝ աշխարհի չեմպիոն Պարաբազկամարտի Աշխարհի առաջնության 80 կգ. քաշային կարգում ձախ ձեռքով Աշխարհի չեմպիոնի տիտղոսը նվաճեց Սարգիս Ստեփանյանը:...
- Ալեքսանդր Պետրակովը հրապարակել է ազգային հավաքական հրավիրված ֆուտբոլիստների ցուցակը ՈՒԵՖԱ Եվրոպայի 2024 թվականի առաջնության որակավորման փուլի առաջիկա հանդիպումներին ընդառաջ՝ Հայաստանի ազգային հավաքականի...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 40%
Քամի՝ 4,63 կմ/ժ