Բազմաթիվ սպառնալիքներ եմ ստացել ադրբեջանցիներից. Հենրիխ Մխիթարյան

• 02.03.2020, 20:11
•  Հայաստան,  No-politics

Ռուս հայտնի վիդեոբլոգեր Եվգենի Սավինի «КраСава» հաղորդման հերթական թողարկումը նվիրված է իտալական «Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանին, հայտնում է News.am-ը: 

Եվգենի Սավինի հետ զրույցում 31-ամյա կիսապաշտպանն անդրադարձել է իր կարիերայի կարևորագույն դրվագներին, խոսել հայկական ֆուտբոլում առկա խնդիրների, ադրբեջանցիներից ստացած սպառնալիքների, Յուրգեն Կլոպի հետ հարաբերությունների, նաև «Մանչեսթեր Յունայթեդում» Ժոզե Մոուրինյոյի հետ կոնֆլիկտի մասին:

«Հայկական ֆուտբոլի ամենամեծ խնդիրն այն է, որ ֆուտբոլիստները չեն ցանկանում սովորել: Ֆուտբոլիստները ծույլ են, մարզիչները ևս: Իհարկե, խոսքը բոլորի մասին չէ, չեմ ցանկանում որևէ մեկին քննադատել: Եվրոպայում և Հայաստանում մարդիկ տարբեր պատկերացումներ ունեն աշխատանքի մասին: Հայերի մեծամասնությունն ասում է. «Ես ցանկանում եմ քնել, արթնանալ և ունենալ մեկ միլիոն դոլար բարձի տակ»: 15 տարեկանում աշխատեցի առաջին 20 դոլարը, հետո 40, 80, 120: Ես երբեք չեմ դժգոհել և շարունակել եմ աշխատել: Աշխատեք և հաճույք կստանաք:

Բազմաթիվ սպառնալիքներ եմ ստացել ադրբեջանցիներից: Ինձ սպառնացել են Ֆեսյբուքում, Ինստագրամում, սակայն ուշադրություն չեմ դարձրել այդ ամենին: Ես հպարտ եմ, որ հայ եմ»,- ասել է Մխիթարյանը:

Հենրիխ Մխիթարյանը պատմել է, որ «Մանչեսթեր Յունայթեդում» խաղալու ընթացքում թիմի գլխավոր մարզիչ Ժոզե Մոուրինյոյի հետ կոնֆլիկտ է ունեցել ԶԼՄ-ների պատճառով: 

«Մի առավոտ Մոուրինյոն եկավ և ասաց, որ իմ պատճառով իրեն մամուլը քննադատում է: Ես պատասխանեցի, որ հատուկ ոչինչ չեմ անում, որպեսզի իմ պատճառով նա քննադատության արժանանա: