ՎԶԵԲ-ը Հայաստանին 10.6 միլիոն վարկ կտրամադրի` Մեղրիում նոր անցակետի կառուցման համար

Պաշտոնյայի խոսքով` անցակետի կառուցումից հետո այն փաստացի կվերածվի լիարժեք գործող մաքսային մարմնի, որտեղ նաև արդյունավետ պայքար հնարավոր կլինի մաքսանենգության դեմ: Վարկը կտրամադրվի 15 տարի ժամկետով (եռամյա առավելություններով) լողացող տոկոսադրույքով` 6-ամսյա Euribor + 1 տոկոս: Ընդ որում, ըստ վերջին 6 ամիսների ցուցանիշների դրույքաչափը 1.78 տոկոս է: Բացի այդ, անցակետում ապրանքների լաբորատոր վերլուծության նոր սարքեր, ապրանքների, այդ թվում` ուղևորների ձեռքի ուղեբեռի զննման, ինչպես նաև մարդկանց սկանավորման համար սկաներներ կտեղադրվեն: «Անցակետի հնարավորությունները ուժեղացնել հարկավոր է` հաշվի առնելով այն փաստը, որ 2016-ի օգոստոսից Հայաստանի և Իրանի միջև առանց վիզայի ռեժիմ է գործում, որը ժամանակավորապես չեղարկվել է կորոնավիրուսի համավարակի պատճառով: Եթե ​​2017-ի հունիս-հուլիս ամիսներին մոտ 2000 բեռնատար է հատել սահմանը, ապա 2019-ի նույն ամիսներին` շուրջ 4.150 մարդ: Ուղևորների թիվը կրկնապատկվել է` 55-ից հասնելով 124 հազարի: Չնայած կորոնավիրուսի պատճառով սահմանն այժմ փակ է ուղևորների համար, դրա բացումից հետո երկու բարեկամ երկրների միջև ուղևորությունները և առևտուրն ամբողջությամբ կվերսկսվեն»,- ընդգծեց Փաշայանը: