Ռուսաստանի և Ադրբեջանի արտգործնախարարները կքննարկեն տարածաշրջանային խնդիրները

• 12.05.2022, 16:31
•  ԵԱՏՄ,  Տարածաշրջան,  Աշխարհ

Ադրբեջանի արտաքին գործերի նախարար Ջեյհուն Բայրամովը հինգշաբթի օրը Ռուսաստանի արտգործնախարար Սերգեյ Լավրովի հետ հանդիպման ժամանակ ասել է, որ մտադիր է իր գործընկերոջ հետ քննարկել գլոբալ անվտանգության և տարածաշրջանային խնդիրները, փոխանցում է ՏԱՍՍ-ը։

«Բնականաբար, լավ հնարավորություն կլինի քննարկելու ինչպես տարածաշրջանային զարգացման, այնպես էլ գլոբալ անվտանգության հարցեր»,- ասել է նա։

«Ավանդաբար, վերջին ժամանակներս մեր բոլոր հանդիպումները հիմնականում նվիրված են հետկոնֆլիկտային կարգավորմանը և հայ-ադրբեջանական հարաբերությունների կարգավորմանը, եռակողմ հայտարարությունների իրականացմանը»,- հավելել է Ադրբեջանի արտգործնախարարը։

Նրա խոսքով, հինգշաբթի օրը կայանալիք հանդիպմանը եռակողմ ձևաչափով օրակարգի քննարկումը Ռուսաստանի, Ադրբեջանի և Հայաստանի արտգործնախարարների մասնակցությամբ շատ արդյունավետ կլինի։

Նախարարների հանդիպումն ընթանում է Դուշանբեում, որտեղ ուրբաթ կկայանա ԱՊՀ երկրների նախարարների խորհրդի նիստը։