ԵՐԵՎԱՆ 22 C°
ՀՀ ԿԲ -
  • USD - 406.28 դրամ +0,28 EUR - 415.5 դրամ +0,5 RUB - 6.72 դրամ +0,72 GBP - 491.88 դրամ +0,88
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թեհրանի և Բաքվի միջև հարաբերությունների զարգացման ներուժ կա. Ռաիսի

parstoday

Աշխաբադում Կասպյան հնգյակի գագաթաժողովի շրջանակներում կայացել է Ադրբեջանի և Իրանի նախագահներ Իլհամ Ալիևի և Էբրահիմ Ռաիսիի հանդիպումը, գրում է NEWS.am-ը:

Ինչպես հաղորդում է Armenia.Az-ը՝ վկայակոչելով Ադրբեջանի նախագահի մամուլի ծառայությանը, հանդիպմանը Ալիևն ասել է, որ «երկու երկրների միջև շատ լավ առաջընթաց է ձեռք բերվել մի շարք հարցերում, հատկապես՝ տրանսպորտի, էներգետիկայի և այլ ուղղություններով»։

Ռաիսին իր հերթին հայտարարել է, որ Ալիևի՝ Թեհրան, ինչպես նաև Իրանի նախագահի՝ Բաքու այցի պլաններ կան։ Նրա խոսքով՝ Բաքվի և Թեհրանի հարաբերությունները զարգացման ներուժ ունեն։

«Կարծում եմ, որ մենք դեռ չենք կարողացել օգտագործել մեր հարաբերությունների ամբողջ ներուժը։ Կարծում եմ, որ երկու երկրների միջև քաղաքական, տնտեսական, առևտրային և մշակութային հարաբերությունները կարող են ավելի զարգանալ»,- ընդգծել է Ռաիսին։

Խոսելով երկու երկրների հարաբերությունների պատմության մասին՝ Ռաիսին հավելել է. «Իրանի Իսլամական Հանրապետությունն ապացուցել է, որ դժվար օրերին իր հարևանների բարեկամն է և երբեք չի թողնում իր ընկերներին դժվարությունների մեջ», հաղորդվում է Իրանի նախագահի կայքում։
Ռաիսին ընդգծել է, որ Իսրայելի ներկայությունը տարածաշրջանում ոչ մի կերպ չի նպաստում տարածաշրջանի անվտանգությանը։ Տարածաշրջանում անվտանգությունը հնարավոր է ձեռք բերել միայն տարածաշրջանի և դրա կասպյան հարևանների համագործակցության միջոցով, նշել է նա։


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 49%
Քամի՝ 0 կմ/ժ
22 C°
 
36°  22° 
11.08.2022
37°  22° 
12.08.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: