Կառուցվող խոշոր հիդրոէլեկտրակայանը լուծելու է էլեկտրաէներգիայի հետ կապված հարցերը․ Արցախի նախագահ

Հունիսի 30-ին գումարվել է ԱՀ ԱԺ 7-րդ գումարման 5-րդ նստաշրջանի ամփոփիչ նիստը։ Այս մասին տեղեկանում ենք ԼՂՀ ԱԺ պաշտոնական կայքէջից:
Նիստին ներկա էին 31 պատգամավորներ։
Նախքան նիստի աշխատանքներին անցնելը, ԱԺ նախագահ Արթուր Թովմասյանը հայտարարել է «Միասնական հայրենիք» խմբակցության կազմում տեղի ունեցած փոփոխության մասին․ խմբակցության ղեկավար է ընտրվել Մարսել Պետրոսյանը։
Օրակարգում այլ հարցերի հետ նախատեսված էր նաև ԱՀ նախագահի 2021 թվականի գործունեության միջոցառումների ծրագրի ընթացքի, արդյունքների և 2022 թվականի գործունեության միջոցառումների ծրագրի վերաբերյալ հաղորդումը:
Արայիկ Հարությունյանը 2021 թվականը որակել է բարդ տարի՝ անվտանգային, քաղաքական, սոցիալ-տնտեսական առումներով: Տարաբնույթ ծրագրերը ուղղված էին մարտահրավերները հաղթահարելուն:
2021 թվականը պատերազմի հետևանքների վերացման ու բնականոն կյանքի վերադարձի տարի էր: Այդ ջանքերում նախագահը բարձր է գնահատել Հայաստանի Հանրապետության և Սփյուռքի մեր հայրենակիցների աջակցությունը:
Արտաքին քաղաքական վեկտորը նույնն է։
«Մեր նպատակը միանշանակ է և դիրքորոշումն անփոփոխ՝ հասնել անկախության միջազգային ճանաչման՝ Արցախի ժողովրդի ինքնորոշման իրավունքի անվերապահ ու անսահմանափակ իրացման ու ճանաչման միջոցով: Հակամարտությունը պետք է կարգավորվի խաղաղ ճանապարհով, սակայն, Ադրբեջանի կազմում ցանկացած կարգավիճակ անընդունելի է», - ասել է Արայիկ Հարությունյանը:
Անվտանգության հիմնական ջանքերի ուղղություններն են՝
• պաշտպանության սեփական համակարգի շարունակական բարելավում՝ շփման գծի ողջ երկայնքով պաշտպանական նոր ամրությունների ու մեխանիզմների ձևավորում, ինստիտուցիոնալ բարեփոխումներ պաշտպանության ողջ համակարգում,
• Ռուսաստանի Դաշնության խաղաղապահ զորակազմի հետ պատշաճ հաղորդակցության ապահովում,
• որոշակի աշխատանքներ նաև քաղաքացիական պաշտպանության համակարգի բարելավման ուղղությամբ։
Նախագահը մեծապես կարևորել է Արցախի ժողովրդի անվտանգության երաշխիքների ապահովման հարցում ռուսական կողմի ստանձնած պարտավորությունների պատշաճ իրականացման համար անհրաժեշտ պայմանների առկայությունը:
Այնուհետև անդրադարձ է եղել սոցիալ-տնտեսական ցուցանիշներին ու տարբեր ոլորտներում իրականացված ծրագրերին:
Նախագահի ելույթից հետո հարցադրումներով հանդես են եկել պատգամավորներ Մետաքսե Հակոբյանը,Դավիթ Գալստյանը,Վահրամ Բալայանը, Արամ Գրիգորյանն ու Գեղամ Ստեփանյանը: Հարցադրումներն անվտանգային խնդիրների, 2020 թվականի նոյեմբերի 9-ի համաձայնագրի դրույթների, Մինսկի խմբի ամերիկացի համանախագահի փոփոխության, ենթակառուցվածքների ու զբոսաշրջության զարգացման, տեղահանվածների բնակարանային խնդիրների լուծման վերջնաժամկետի վերաբերյալ էին:
Անդրադառնալով Արցախը Հայաստանին կապող նոր ճանապարհի կառուցմանը՝ Արայիկ Հարությունյանը նշել է, որ այն ավելի անվտանգ է լինելու քան գործողը: Նախագահը զգացմունքայնությունից վեր կանգնելու կոչ է արել, նամանավանդ երբ խոսքը անվտանգային հարցերին է վերաբերվում:
Պատասխանելով ենթակառուցվածքների մասին հարցին՝ Արայիկ Հարությունյանը նշել է, որ կառուցվող խոշոր հիդրոէլեկտրոկայանը լուծելու է էլեկտրաէներգիայի հետ կապված հարցերը: Իսկ որպես բնակարանային հարցի լուծման վերջնաժամկետ նշվել է 2025 թվականի նոյեմբերը:
Օրակարգի հաջորդ հարցը ԱՀ 2021 թվականի պետական բյուջեի կատարման տարեկան հաշվետվությունն էր, որը ներկայացրել է ԱՀ ֆինանսների նախարար Վահրամ Բաղդասարյանը։ 2021թ պետբյուջեի կատարողականը եկամուտների գծով կազմել է 175,548,283 մլն ՀՀ դրամ, ծախսերի գծով՝ 224,158,518 մլն ՀՀ դրամ, պակասուրդը՝ 48, 610,235 մլն ՀՀ դրամ։
ԱՀ հաշվեքննիչ պալատի եզրահանգումը 2021թ․ բյուջեի կատարման վերաբերյալ դրական էր։
Լսելով գլխադասային հանձնաժողովների և խմբակցությունների արտահայտած տեսակետները՝ խորհրդարանը 25 կողմ, 4 դեմ ձայների հարաբերակցությամբ հաստատել է 2021թ բյուջեի կատարման տարեկան հաշվետվությունը։
Ընդմիջումից հետո 15 պատգամավորներ 22 հարց են ուղղել Հանրապետության նախագահին և Կառավարության անդամներին։ Բարձրացրած հարցերը վերաբերում էին էներգետիկ և պարենային անվտանգությանը, արտաքին քաղաքականությանը, միջպետական այլընտրանքային ճանապարհին, վարկերի և նյութական վնասների փոխհատուցմանը և այլն։
Հաջորդիվ խորհրդարանն անցել է օրենսդրական նախաձեռնությունների քննարկմանը։ Ներկայացված բոլոր նախաձեռնությունները գլխադասային հանձնաժողովների կողմից նախապես արժանացել էին դրական եզրակացության։
«Ազգային ժողովի կանոնակարգ» օրենքում լրացումներ կատարելու մասին» օրենքի նախագիծը 28 կողմ ձայնով, «Քաղաքացիական օրենսգրքում լրացում և փոփոխություններ կատարելու մասին» և կից օրենքների փաթեթը 25 կողմ ձայնով, իսկ «Քրեական դատավարության օրենսգրքում փոփոխություններ կատարելու մասին» և հարակից օրենքների նախագծերի փաթեթը 1-ին ընթերցմամբ 30 կողմ ձայնով արժանացել են խորհրդարանի հավանությանը։
27 կողմ ձայնով խորհրդարանն ընդունել է «Հանրային ծառայությունները և տնտեսական մրցակցությունը կարգավորող մարմնի մասին» օրենքում փոփոխություններ կատարելու մասին» օրենքի նախագիծը։
«Չափումների միասնականության ապահովման մասին» օրենքում լրացումներ և փոփոխություններ կատարելու մասին», «Արցախի Հանրապետության ոստիկանության կարգապահական կանոնագիրքը հաստատելու մասին» օրենքում փոփոխություններ և լրացումներ կատարելու մասին», Պետական պաշտոններ զբաղեցնող անձանց վարձատրության մասին օրենքում լրացումներ և փոփոխություններ կատարելու մասին օրենքների նախագծերին և «Շահութահարկի մասին» օրենքում լրացումներ կատարելու մասին», «Առևտրի հարկի մասին» օրենքում փոփոխություններ և լրացումներ կատարելու մասին», «Հաստատագրված վճարների մասին» օրենքում փոփոխություններ և լրացումներ կատարելու մասին» օրենքների նախագծերի փաթեթին խորհրդարանը քվեարկել է 27 կողմ ձայնով։
Պատգամավորական հայտարարություններով հանդես են եկել պատգամավորներ Գագիկ Բաղունցը և Սեյրան Հայրապետյանը։
Վերջում ԱԺ նախագահ Արթուր Թովմասյանը հայտարարել է ԱԺ 7-րդ գումարման 5-րդ նստաշրջանի աշխատանքների ավարտի մասին։
-
21:01
Հայաստանից 303 անձ դեռևս անհայտ կորած է համարվում. ԿԽՄԿ
-
20:16
Իրանը գլխավոր հյուպատոս է նշանակել Կապանում
-
19:29
Ձեր արծաթը մեզ համար ոսկու արժեք ունի. Վահրամ Դումանյանը ոսկե մեդալներով է պարգևատրել շախմատիստներին
-
18:33
Առաջիկա երկու-երեք տարիները շատ կարևոր շրջան են լինելու. Արցախի Հանրապետության ԱԳ նախարար
-
18:01
Լատվիան կոչ է արել ԵՄ երկրներին դադարեցնել վիզաների տրամադրումը ռուսաստանցիներին ու բելառուսներին
-
17:45
Լեհաստանում ընթացող ծանրամարտի Եվրոպայի պատանեկան առաջնությունում գյումրեցի ծանրորդուհին նվաճել է 3 ոսկե մեդալ
-
17:25
Մոսկվան արդարացված չի համարում Ղարաբաղում խաղաղապահ զորակազմի հասցեին հնչող քննադատությունը. Իվան Նեչաև
-
17:00
Բաքվի և ԵՄ-ի միջև գազային համաձայնագիրը չի հակասում Ռուսաստանի հետ դաշնակցային համագործակցությանը. ՌԴ ԱԳՆ
-
16:30
Օդի ջերմաստիճանը կբարձրանա 6-8 աստիճանով. առաջիկա 5 օրվա եղանակի կանխատեսում
-
15:53
Ինտենսիվ այգեգործության խթանում, ոռոգման համակարգերի զարգացում. կփոխվեն պետական ծրագրով սուբսիդավորման պայմանները
-
15:31
Հայաստանի և Թուրքիայի հատուկ ներկայացուցիչների հաջորդ հանդիպման վերաբերյալ որևէ պայմանավորվածություն չկա. ԱԳՆ
-
15:19
Սա այն դեպքն է, որ պետք է չխնայել և ծառերը կտրել. Նիկոլ Փաշինյան
-
15:01
Փաշինյանը, Ալիևը և Պուտինը կարող են հանդիպել օգոստոսի վերջին
-
14:55
Կներդրվի հաշմանդամություն ունեցող անձանց անձնական օգնականի ինստիտուտ
-
14:32
2 մլրդ 734 մլն ՀՀ դրամ՝ Ստեփանավան-Յաղդան, Սիսիան-Դաստակերտ և Տաթև-Աղվանի ճանապարհների նորոգմանը. վարչապետը հանձնարարել է ուշադրության կենտրոնում պահել գործընթացը
-
14:30
Իտալիայում Հայաստանի դեսպանը հանդիպել է Տրեվինյանո Ռոմանո քաղաքի քաղաքապետի հետ
-
13:50
Լաչինի միջանցքի հարցը պետք է լուծվի եռակողմ հայտարարության հիման վրա. ՌԴ ԱԳՆ
-
12:32
Օգոստոսի 14-ին Հայաստանյայց Առաքելական Սուրբ Եկեղեցին նշելու է Աստվածածնի Վերափոխման տոնը. կկատարվի Խաղողօրհնեքի արարողություն
-
11:00
ՄԻՊ–ի գրասենյակից այցելել են ադրբեջանական զինված ուժերի կրակոցներից վիրավորում ստացած զինծառայողներին
-
10:03
Հրադադարի պահպանման ռեժիմի էական խախտումներ չեն արձանագրվել. Արցախի ՊՆ
օրվա
շաբաթվա
ամսվա
-
10:45
Նիկոլ Փաշինյանը շնորհավորական նամակ է հղել Էմանուել Մակրոնին
-
16:54
Տնտեսությունը կախված է հանքարդյունաբերությունից
-
21:25
Օլիմպիադա․ Հայաստանի հավաքականը հաղթեց Մադագասկարի թիմին՝ 4:0
-
16:16
Հող հայրենին շեն պահելու լավագույն բանաձևը այն մշակելով ապրեցնելն է. Արցախի նախագահ (տեսանյութ)
-
00:45
Աշխատում ենք դեէսկալացիայի ուղղությամբ․ Միշելը զրուցել է Փաշինյանի և Ալիևի հետ
-
10:28
Մոսկվան չի տեսել ԼՂ-ում ռուսական խաղաղապահ օպերացիայի վերաբերյալ Երևանի առաջարկները․ Լավրով
-
10:51
Շփման գծի որոշ հատվածներում ադրբեջանական զինուժը խախտել է հրադադարի պահպանման ռեժիմը․ Արցախի ՊՆ
-
20:38
Խաչիկ գյուղի բնակչին երեք ադրբեջանցիներ, նրա կամքին հակառակ, տեղափոխել են Նախիջևան, իսկ հետո վերադարձրել․ ՔԿ
-
11:00
Խաղաղապահների գործունեության վերաբերյալ առաջարկները հայկական կողմը ՌԴ ղեկավարությանն է փոխանցել 2021 թվականին․ ՀՀ ԱԳՆ
-
18:11
Բայրամովի հետ հանդիպմանը Միրզոյանը վերահաստատել է՝ կարևոր է Լեռնային Ղարաբաղի հակամարտության քաղաքական կարգավորումը․ ՀՀ ԱԳՆ
Խոնավություն՝ 56%
Քամի՝ 1,54 կմ/ժ