Զասը Լավրովի հետ քննարկել է իրավիճակը ՀԱՊԿ պատասխանատվության գոտում

ՀԱՊԿ գլխավոր քարտուղար Ստանիսլավ Զասը հանդիպում է անցկացրել ՌԴ արտգործնախարար Սերգեյ Լավրովի հետ։ Ինչպես հայտնել է ՀԱՊԿ մամուլի քարտուղար Վլադիմիր Զայնեթդինովը, հանդիպմանը քննարկվել է կազմակերպության պատասխանատվության գոտում առկա իրավիճակ, փոխանցում է ՐԻԱ Նովոստին։

«Մանրամասն քննարկվել է կազմակերպության ընթացիկ գործունեությունը և զարգացումը։ Կարծիքների փոխանակում է իրականացվել ՀԱՊԿ պատասխանատվության գոտում առկա իրավիճակի վերաբերյալ», – ասվում է հաղորդագրության մեջ։Հաղորդագրության մեջ նշվում է նաև, որ Զասը տեղեկացրել է Լավրովին ՀԱՊԿ կանոնադրական մարմինների նիստերին նախապատրաստվելու և հավաքական անվտանգության խորհրդի հանձնարարությունների կատարման մասին։