ԵՐԵՎԱՆ -1 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Խորհրդարանը քննարկեց մինչև 2024 թվականը կենսաչափական անձնագրերի տրամադրումը դադարեցնող նախագիծը

«Նույնականացման քարտերի մասին» օրենքի նախագծով նախատեսվում է ՀՀ կառավարության 1998 թ. դեկտեմբերի 25-ի թիվ 821 որոշմամբ նախատեսված անձնագրերի տրամադրման ժամկետը երկարաձգել մինչև 2023 թ. դեկտեմբերի 31-ը, իսկ նույնականացման քարտերը տրամադրել առանց էլեկտրոնային պահոցի` մինչև ՀՀ կառավարության որոշմամբ դրանց բնութագրի սահմանելը: Այս մասին ասել է ՀՀ ոստիկանության պետի տեղակալ Արա Ֆիդանյանը:

Կառավարության հեղինակած ««ՀՀ քաղաքացու անձնագրի մասին» օրենքում փոփոխություններ և լրացում կատարելու մասին» և կից ներկայացված օրենքների նախագծերի փաթեթն առաջին ընթերցմամբ քննարկվել է Ազգային ժողովի դեկտեմբերի 6-ի հերթական նիստում:

Էլեկտրոնային պահոցով նույնականացման քարտերը նախատեսվում է տրամադրել մինչև 2023 թ. փետրվարի 15-ը, իսկ էլեկտրոնային պահոց չպարունակող նույնականացման քարտերը` 2023 թ. փետրվարի 15-ից:

Ժամանակավորապես՝ մինչև 2024 թ. հունվարի 1-ը, կդադարեցվի ՀՀ քաղաքացիներին կենսաչափական անձնագրերի տրամադրումը, մինչև  ապագա սերնդի տեխնոլոգիաներով և անվտանգության պայմաններով օժտված կենսաչափական անձնագրերի ստեղծումն ու աստիճանաբար հին անձնագրերի նորերով փոխարինումը:

Պատգամավոր Զարուհի Բաթոյանը, նշելով, որ նույնականացման քարտերի տրամադրման հետ կապված բազմաթիվ խնդիրներ են առաջացել, հետաքրքրվել է ոլորտի կարգավորման գործընթացից:

«Ներկա պահին, բոլոր այն անձանց, ովքեր կարիք ունեն իրենց ամենօրյա աշխատանքում օգտագործելու նույնականացման քարտեր՝ անխտիր տրամադրվում են: Դրանց տրամադրումը կիրականացվի մինչև 2023 թ. փետրվարի 15-ը, որից հետո կտրամադրվեն նույնականացման քարտեր՝ առանց էլեկտրոնային կրիչի»,-պարզաբանել է Արա Ֆիդանյանը:

Անդրադառնալով Անձնագրերի և վիզաների վարչության տարբեր ստորաբաժանումներում առաջացած հերթերին՝ հիմնական զեկուցողը պարզաբանել է, որ պատճառներից մեկն էլ այն է, որ ստորաբաժանումների կողմից տրամադրվող փաստաթղթերի ծավալն էականորեն աճել է:

Փոխոստիկանապետը տեղեկացրել է, որ 2020 թ. տրամադրվել է 70.273 նույանկանացման քարտ, իսկ 2022 թ. դեկտեմբերի 1-ի դրությամբ՝ 155.766:

Հարակից զեկուցող Պաշտպանության և անվտանգության հարցերի մշտական հանձնաժողովի նախագահի տեղակալ Արմեն Խաչատրյանը նշել է, որ 2012 թ. տրամադրվող կենսաչափական անձնագրերը չեն բավարարում այսօրվա պահանջներին, չեն ներառում այն բոլոր տվյալները, որոնք անհրաժեշտ են: Հետևաբար, ՀՀ փոխվարչապետի կողմից ստեղծվել է համապատասխան հանձնաժողով, և մշակվում են այն փաստաթղթի ձևն ու բովանդակությունը, որը պետք է լինի 2024 թ. հունվարից հետո:


Ամենաընթերցվածը

օրվա

շաբաթվա

ամսվա

Եղանակ
Երևան
Մառախուղ
Խոնավություն՝ 93%
Քամի՝ 0 կմ/ժ
-1 C°
 
  -1° 
02.02.2023
  -0° 
03.02.2023
Հարցում

Արդյո՞ք միջազգային հանրությունը բավարար ջանքեր է գործադրում Արցախի «կյանքի ճանապարհը» բացելու համար։