ԵՐԵՎԱՆ 2 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եթե չտրամադրեք «Զանգեզուրի միջանցքը», ձեր վրա կզգաք «Եղբայրական բռունցքը». Թուրքիայի մեսիջը Հայաստանին

Թուրքիայի պաշտպանության նախարար Հուլուսի Աքարը հերթական անգամ հնչեցրել է «խաղաղություն» հասկացության թուրքական ընկալումը։
«Թուրքիայի կամ Ադրբեջանի դեմ ուղղված ցանկացած սպառնալիք կամ սադրանք, անկախ դրա աղբյուրից, կճանաչվի որպես ընդհանուր մարտահրավեր եղբայրական երկրների ճանապարհին»,- ասել է նախարարը՝ դիմելով թուրք-ադրբեջանական «Եղբայրական բռունցք» համատեղ զորավարժությունների մասնակիցներին, հաղորդում են թուրքական լրատվամիջոցները:

Թուրք նախարարն անուղղակիորեն հաստատել է Անկարայի մասնակցությունը Հայաստանի և Արցախի դեմ Ադրբեջանի ագրեսիային. «Համաշխարհային հանրությունը ականատես եղավ մեր միասնությանը 44-օրյա պատերազմի ընթացքում, որի արդյունքում Ադրբեջանի պատմական հողերը ազատագրվեցին երկար տարիների հայկական օկուպացիայից։

Աքարը կոչ է արել փակել տարածաշրջանում առկա հակասությունների և ատելության էջը, սկսել ընդհանուր ապագայի կերտում՝ հիմնված միջազգային իրավունքի նորմերի հարգման վրա։ «Մենք անկեղծորեն հույս ունենք, որ Հայաստանն անպատասխան չի թողնի Թուրքիայի և Ադրբեջանի խաղաղության ձեռքը»,- ընդգծել է թուրք նախարարը և «մատնանշել Հարավային Կովկասում տարածաշրջանային հաղորդակցությունների բացման կարևորությունը, այդ թվում՝ Զանգեզուրի միջանցքը»։

Փաստորեն, Հուլուսի Աքարը խաղաղության կոչի քողի տակ հերթական սպառնալիքն է հնչեցրել Հայաստանին՝ եթե չտրամադրեք «Զանգեզուրի միջանցքը», ձեր վրա կզգաք «Եղբայրական բռունցքը»:

In English На русском

Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 65%
Քամի՝ 1,03 կմ/ժ
2 C°
 
2°  -3° 
09.02.2023
1°  -5° 
10.02.2023
Հարցում

Արդյո՞ք միջազգային հանրությունը բավարար ջանքեր է գործադրում Արցախի «կյանքի ճանապարհը» բացելու համար։