ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵՀ-ն հայտարարել է ԵՄ-ին անդամակցելու հարցում Ուկրաինայի պատրաստվածության ցածր մակարդակի մասին

Ուկրաինան ցույց է տալիս ցածր, և միայն որոշ ոլորտներում պատրաստվածության միջին մակարդակ՝ Եվրամիությանն անդամակցելու շուրջ բանակցություններ սկսելու համար։ ՏԱՍՍ-ի փոխանցմամբ՝ այս մասին ասվում է Եվրահանձնաժողովի (ԵՀ) 66 էջանոց վերլուծական զեկույցում, որը հրապարակվել է ուրբաթ օրը՝ ԵՄ-ին անդամակցելու շուրջ բանակցություններ սկսելու Կիևի պատրաստվածության աստիճանի մասին։

«Կիևը լավագույնս հանդես է գալիս արտաքին քաղաքականության ոլորտում. այս երկիրը «ցուցադրում է Եվրամիության արտաքին քաղաքական որոշումներին հավատարիմ մնալու բարձր մակարդակ»,- ասվում է փաստաթղթում:

Արտաքին քաղաքականության ոլորտի որոշումները ԵՀ-ն գնահատել է «լավ», իսկ ուկրաինական և եվրոպական շուկաների միջև ապրանքների ազատ տեղաշարժն ապահովելու ջանքերը՝ «բավարար» կամ «միջին մակարդակի վրա»։Երկրի տնտեսական և քաղաքական զարգացման շատ այլ ոլորտներում ԵՄ-ի հետ մերձեցման առաջընթացը գտնվում է «սկզբնական փուլում»:

«Ուկրաինան արտաքին քաղաքականության ոլորտում պատրաստվածության լավ մակարդակ ունի։ Ուկրաինան ցուցաբերում է բարձր մակարդակի հավատարմություն [ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելի] հայտարարություններին և ԵՄ խորհրդի արտաքին քաղաքական որոշումներին։ Ուկրաինան ակտիվորեն համագործակցում է ԵՄ-ի հետ կիբերհանցագործության և ապատեղեկատվության դեմ պայքարում: Սակայն լրացուցիչ աշխատանք է պահանջվում զենքի, զինամթերքի, պայթուցիկ նյութերի ապօրինի շրջանառության դեմ պայքարելու համար»,- նշվում է հայտարարությունում:

Ուկրաինային առաջարկվել է ակտիվորեն պայքարել կոռուպցիայի և օլիգարխների ազդեցության դեմ, ինչպես նաև բարձրացնել ֆինանսական վերահսկողության մակարդակը։ Ինչ վերաբերում է մարդու իրավունքներին և մամուլի ազատությանը, Ուկրաինան նույնպես այս ոլորտում գտնվում է «վաղ փուլում», սակայն, ըստ Եվրահանձնաժողովի, Կիևը շարժվում է «ճիշտ ուղղությամբ»։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 49%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: