ԵՐԵՎԱՆ 29 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Կար իմիտացիայի և ժամանակ շահելու էլեմենտ. Կ. Բեքարյանը՝ Մոսկվայում ՀԱՊԿ առաքելությանը Արարատ Միրզոյանի անդրադարձի վերաբերյալ

«Արմեդիա» ՏՎԳ: Մարտի 20-ին Մոսկվայում ՀՀ և ՌԴ արտգործնախարարների համատեղ ասուլիսի ընթացքում անդրադարձ եղավ Հայաստանում ՀԱՊԿ առաքելություն տեղակայմանը, որի շրջանակներում Արարատ Միրզոյանը նշեց, որ Հայաստանը չի հրաժարվել փաստաթղթից, այն սեղանին դրված է: Սրան դրական արձագանքեց նաև ռուսաստանցի կոլեգան: Ըստ Ձեզ, սա կարո՞ղ է ընկալվել՝ որպես այս ուղղությամբ առաջընթացի հնարավորություն, և սպասելի՞ է առաջիկայում առաքելության տեղակայում ՀՀ-ում:

Կարեն Բեքարյան: Մի կողմ թողնելով չհանրայնացված բանակցային գործիքակազմն ու դիվանագիտական խողովակը՝ անդրադառնանք Հայաստանում ՀԱՊԿ առաքելությանը վերաբերող հանրայնացված հատվածին: Պետք է ամրագրել հետևյալը. ՀՀ արտգործնախարարը փորձում էր գտնել ձևակերպումներ ինչ-որ կերպ, այսպես ասենք, արդարանալու, թե ինչով է պայմանավորված Հայաստանի կողմից այդ փաստաթղթի չստորագրելը:

Եթե ուշադիր լինենք բովանդակությանն ու օգտագործվող բառակազմին՝ «մեր պատկերացմամբ», «մեզ թվում էր», «մենք մտածում էինք»՝ ՀԱՊԿ գործընկերներն ունեին խնդիր չպատկերացնելու ՀԱՊԿ պատասխանատվության տարածքը: Շատ կարևոր է՝ ոչ թե չէին պատկերացնում, այլ՝ «մեր ընկալմամբ», «մեզ թվում էր»… Եվ հաջորդող շատ կարևոր ամրագրումը, որ դա հանված չէ օրակարգից, Հայաստանը չի հրաժարվել ստորագրել ՀԱՊԿ առաքելության տեղակայման մասին որոշումը: Այսինքն, փորձ արվեց խնդիրը տանել ճանապարհով, որ դա սեղանին դրված է, արդիական է, օրակարգային է փաստաթղթի ստորագրումը, և խնդիրն ընդամենը նրանում է, որ «մեզ այլ բան էր թվացել», ինչից շատ արագ փորձեց օգտվել ՌԴ արտգործնախարարը՝ կրկնելով նույն խոսքերով «ուրախ ենք, որ Հայաստանը ֆիքսում է, որ չի հրաժարվել այն ստորագրելուց»:

Միևնույն ժամանակ պետք է ֆիքսենք հետևյալը. արդյո՞ք սրանից հետևում է, որ ռուսական կողմը հասել է նրան, որ այսօր այդ փաստաթուղթը կստորագրվի, ՀԱՊԿ առաքելությունը կժամանի Հայաստան: Ոչ: Որովհետև այստեղ կար իմիտացիայի և ժամանակ շահելու էլեմենտ ընդամենը, հակառակ պարագայում դա կարելի էր ստորագրել կամ ստորագրման արարողության մասին պայմանավորվել հանդիպման շրջանակներում, Փաշինյանի կողմից ստորագրված փաստաթութղը տանել Մոսկվա և այլ տարբեր եղանակներով: Այսինքն խնդիր է եղել ընդամենը այդ պահին կարողանալ իրավիճակը դուրս բերել սրությունից, շահել ժամանակ՝ չեմ կարծում որևէ կերպ միտումով դրան դրական ֆոնի ներքո անդրադառնալու:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 1,54 կմ/ժ
    30 C°
     
    32°  20° 
    22.06.2024
    32°  19° 
    23.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: