ԵՐԵՎԱՆ 15 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ավստրալիայի մայրաքաղաքի տարածքի օրենսդիր ժողովի անդամները հանդես են եկել ի պաշտպանություն Արցախի ժողովրդի

Ավստրալիայի մայրաքաղաքի տարածքի օրենսդիր ժողովի անդամներ Մայքլ Փեթերսոնը և Փիթեր Քեյնը դարձել են առաջին պատգամավորները, որոնք հանդես են եկել ի պաշտպանություն Արցախի Հանրապետության ժողովրդի, հայտնում է Ավստրալիայի Հայ դատի հանձնախումբը:

«Այս իրավիճակն այնքան տագնապալի է, որ Արդարադատության միջազգային դատարանը որոշել է հարկադրել Ադրբեջանին ապաշրջափակել Լաչինի միջանցքը։ Իրավապաշտպան կազմակերպությունները, ինչպիսիք են Amnesty International-ը և Human Rights Watch-ը, իրավիճակը հայտարարել են հումանիտար ճգնաժամ և կոչ են արել դադարեցնել շրջափակումը: Մենք պետք է համերաշխ լինենք շրջափակումից տուժած խաղաղ բնակիչների հետ, ուստի ես միանում եմ Կանբերայի հայ համայնքին՝ կոչ անելով անհապաղ դադարեցնել շրջափակումը», - ասել է Փեթերսոնը, ով այս տարվա փետրվարին նամակ է ուղղել Ավստրալիայի արտգործնախարարին՝ կապված Արցախի շրջափակման հետ:

«Լաչինի միջանցքը Արցախի միակ ելքն է դեպի արտաքին աշխարհ, ուստի այս շրջափակման ազդեցությունը բնակիչների վրա հսկայական է։ Այս հարկադիր փակման պատճառով սննդի, վառելիքի, դեղորայքի և էլեկտրաէներգիայի զգալի պակաս կա, ինչը նպաստում է ավերիչ հումանիտար ճգնաժամին», - ասել է Փիթեր Քեյնը:

«Դժվարությունների առջև կանգնած Արցախը հրաժարվում է լռել, ինչպես ուզում է ռազմատենչ բռնապետությունը։ Արցախի համախմբված ժողովուրդը մտադիր չէ հանձնվել, և այս անսասան վճռականությունը խրախուսում է ամբողջ երկրի խորհրդարանականներին պաշտպանել մարդու իրավունքները։ Մենք շնորհակալություն ենք հայտնում պարոն Քեյնին և պարոն Փեթերսոնին համերաշխության համար»,- ասել է Ավստրալիայի Հայ Դատի հանձնախմբի գործադիր տնօրեն Մայքլ Քոլոքոսյանը։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 51%
    Քամի՝ 2,57 կմ/ժ
    15 C°
     
    24°  10° 
    23.05.2024
    25°  13° 
    24.05.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: