Ես հիասթափված եմ մինչ այժմ ԵՄ-ի և ԱՄՆ-ի արձագանքներից. CNN-ին ասել է Արայիկ Հարությունյանը

• 07.09.2023, 08:19
•  Աշխարհ,  ԼՂՀ

Արցախի նախկին նախագահ Արայիկ Հարությունյանը գրել է.

«Հարգելի՛ հայրենակիցներ,

Վերջին շրջանում միջազգային առաջատար գրեթե բոլոր լրատվամիջոցներն անդրադարձել են Արցախի շրջափակմանը: Այդ շարքում կարևոր տեղ ունի CNN-ի այսօրվա հրապարակումը, որի հեղինակի հարցերին պատասխանել եմ Հանրապետության նախագահի պաշտոնից իմ հրաժարականից առաջ: Պատասխաններիս մի մասը տեղ է գտել նյութի մեջ, որը բավականին համակողմանիորեն ներկայացնում է իրավիճակը՝ և՛ քաղաքական, և՛ հումանիտար տեսանկյուններից:

Իմ հետևյալ շեշտադրումներն են ներկայացվել նյութում.

• «Ադրբեջանը շրջափակել է Արցախի Հանրապետությունը՝ մեր ժողովրդի դեմ ցեղասպանություն իրականացնելու գլխավոր նպատակով».

• «Հաշվի առնելով Ադրբեջանի ցեղասպանական մտադրությունները և երկարատև հակահայկական ատելության համակարգված պետական քաղաքականությունը՝ մեր ժողովուրդը հիմնավոր մտահոգություն ունի Ադրբեջանից ծագող ցանկացած ապրանքի անվտանգության վերաբերյալ».

• «Ադրբեջանը մարդասիրական օգնություն տրամադրելու փորձեր ձևացնելու փոխարեն պետք է ապարգելափակի Լաչինի միջանցքը».

• «Ես հիասթափված եմ մինչ այժմ ԵՄ-ի և ԱՄՆ-ի արձագանքներից: Եվրոպայի և Ամերիկայի անգործության և ձախողումների հիմքում ընկած պատճառները հիմնականում աշխարհաքաղաքական են, որոնք ներառում են նաև Ադրբեջանից էներգետիկ կախվածությունը»:

Ամբողջական նյութին կարող եք ծանոթանալ հետևյալ հղմամբ՝

https://edition.cnn.com/2023/09/06/europe/nagorno-karabakh-blockade-azerbaijan-armenia-intl-cmd/index.html?utm_medium=social&utm_source=twCNNi&utm_term=link&utm_content=2023-09-06T11%3A20%3A06&fbclid=IwAR3yrGvTW2QBrBv2p6z3beAoO48wzb-rR1A9THEEmPR2N_PXLKRcOgZVO1k