ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԼՂ-ում խաղաղապահ առաքելության ընթացքում 6 զինվորական է զոհվել. ՌԴ դեսպանություն

© Sputnik / Aram Nersesyan

Լեռնային Ղարաբաղում խաղաղապահ առաքելություն իրականացնելու ընթացքում զոհվել է 6 զինծառայող, ևս մի քանի մարդ ստացել է տարբեր աստիճանի մարմնական վնասվածքներ: Այս հայտարարությունը տարածել է Հայաստանում ՌԴ դեսպանությունը` ներկայացնելով Լեռնային Ղարաբաղում ռուսական խաղաղապահ զորակազմի գործունեությունը, փոխանցում է Սպուտնիկ Արմենիան։ 

«Ծայրահեղ բարդ իրավիճակում խաղաղապահներն իրականացնում են իրադրության շուրջօրյա մշտադիտարկում և ակտիվ ջանքեր են գործադրում, այդ թվում՝ կյանքի համար վտանգավոր, Լեռնային Ղարաբաղի քաղաքացիական բնակչությանը պաշտպանելու համար»,- ասվում է հայտարարության մեջ:

Դեսպանությունը հիշեցնում է, որ մարտական գործողությունների ընթացքում խաղաղապահ զորախմբի ուժերով կազմակերպվել է ամենավտանգավոր շրջաններից խաղաղ բնակիչների տարհանում, տուժածներին բժշկական օգնություն է ցուցաբերվել՝ նրանց տեղակայելով բազային ճամբարում և առանձին դիտակետերում:

«Միայն երեկ ավելի քան 8 հազար քաղաքացու է օգնություն տրամադրվել` ներառյալ սննդի և հանգստի վայրերի ապահովումը», - հստակեցրել է դիվանագիտական ներկայացուցչությունը:

Հայտարարության մեջ նաև արձանագրվում է, որ հակամարտության սրման պահից ի վեր խաղաղապահ զորակազմի հրամանատարությունը ակտիվ միջնորդական ջանքեր է գործադրել իրավիճակի թուլացման համար, ինչի արդյունքում հաջողվել է ռազմական գործողությունների դադարեցման և ղարաբաղյան ու ադրբեջանական կողմերի միջև բանակցություններ անցկացնելու պայմանավորվածություն ձեռք բերել։

«Դեսպանությունը խորին ցավակցություն է հայտնում ռուսական խաղաղապահ զորակազմի զոհված և տուժած զինծառայողների հարազատներին ու մերձավորներին, որոնք տեղակայման առաջին իսկ օրվանից իրականացնում են Լեռնային Ղարաբաղի բնակչության կենսական կարիքների ապահովմանն ուղղված գործնական աջակցություն ցուցաբերելու բարդ խնդիրներ», - նշել են դիվանագիտական ներկայացուցչությունում:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 36%
    Քամի՝ 2,06 կմ/ժ
    4 C°
     
    11°   
    03.03.2024
    11°   
    04.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: