ԵՐԵՎԱՆ 14 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19,810.98 դրամ ԱՐԾԱԹ - 223.47 դրամ ՊԼԱՏԻՆ - 12,315.79 դրամ

Հունաստանի նոր նախագահ. Պ. Պավլոպուլոս

Հունաստանի խորհրդարանը չորեքշաբթի ընտրեց երկրի նոր նախագահին: Խորհրդարանի վստահությանն արժանացավ ներքին գործերի նախկին նախարար, պահպանողական հայացքների կրող և եվրոպամետ Պրոկոպիս Պավլոպուլոսը:  Նա առաջադրվել էր իշխող Սիրիզա և «Անկախ հույներ» կուսակցությունների կողմից: Նրա թեկնածությունը պաշտպանել էր նաև «Նոր ժողովրդավարություն» կուսակցությունը, որի կողմից նա բազմիցս առաջադրվել է որպես պատգամավոր:

Ընտրության ընթացքում Պավլոպուլոսի թեկնածությունը ստացավ 233 կողմ ձայն, և առաջին փուլի արդյունքում ընտրությունը կայացավ:

Չնայած, որ Հունաստանում նախագահի պաշտոնը ներկայացուցչական բնույթ է կրում, 2014թ.-ի դեկտեմբերին խորհրդարանականները չկարողացան համաձայնության գալ թեկնածուի ընտրության հարցում, ինչն էլ հանգեցրեց արտահերթ խորհրդարանական ընտրությունների:

Վարչապետ Ցիպրասի խոսքերով, Պավլոպուլոսն ունի «դեմոկրատական հոտառություն» և մեծ ժողովրդականություն է վայելում, «ինչպես հանրության շրջանում, այնպես էլ խորհրդարանում»:

 

Տեղեկանք

65-ամյա Պրոկոպիս Պավլոպուլոսը մասնագիտությամբ իրավաբան է: 1977-ին Փարիզի Սորբոնի համալսարանի կողմից ստացել է հանրային իրավունքի ոլորտում դոկտորի աստիճան: Նա տարիներ շարունակ զբաղվել է գիտական գործունեությամբ և մի շարք գրքերի հեղինակ է: «Նոր ժողովրդավարություն» կուսակցության կողմից առաջադրվելով՝ 1996թ. ընտրվել է Հունաստանի խորհրդարանի պատգամավոր, այնուհետև վերընտրվել է 2000, 2004, 2007, 2009 և 2012 թվականներին:

Պավլոպուլոսը համարվում է երկրի նախկին վարչապետ Կոստաս Կարամանլիսի վստահված անձանցից: Նրա կառավարման տարիներին 2004-2009թթ. Պավլոպուլոսը զբաղեցրել է ներքին գործերի նախարարի պաշտոնը: Նրանք այնքան մտերիմ էին, որ նորընտիր նախագահը հայտարարում էր, որ կլքի քաղաքականությունը՝ Կարամանլիսի՝ պաշտոնից հեռանալու պարագայում: Այնուամենայնիվ, հակառակ իր խոստումանը, նա մնաց խորհրդարանում մինչ 2015թ.:   


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 69%
Քամի՝ 6 կմ/ժ
15 C°
 
17°  27° 
26.05.2019
12°  25° 
27.05.2019
Հարցում

Հավանե՞լ եք «Գահերի խաղ»-ի վերջին սերիան: