ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 197,5 դրամ ԱՐԾԱԹ - 231 դրամ ՊԼԱՏԻՆ - 11 890,47 դրամ

Թուրքիան չի փոխել իր ձեռագիրը. Կարեն Բեքարյան

Թուրքիայում տիրող իրավիճակը բավական նման է 100 տարի առաջվա վիճակին: «Սպուտնիկ Արմենիա» մամուլի կենտրոնում տեղի ունեցած ասուլիսի ժամանակ նման կարծիք հայտնեց «Եվրոպական ինտեգրացիա» ՀԿ նախագահ Կարեն Բեքարյանը:

 «Թուրքիան չի փոխել իր ձեռագիրը: Տարբեր պատրվակների ներքո թուրքական իշխանությունն իրականացնում է իր համար գլոբալ, չմոռացված խնդիրների լուծում բնիկ ժողովուրդների, առաջին հերթին՝ քրդերի դեմ: Մյուս կողմից էլ սա ներքին իշխանական հաշվարկին ծառայող գործողություն է:  Ի՞նչ է փոխվել 100 տարի անց: Այն, որ թուրքերն ավելի լավ են քողարկում իրենց գործողությունները, որի վառ ապացույցն անվտանգության գոտիների ստեղծումն է», - նշեց Բեքարյանն` ընդգծելով, որ իշխանությունների պահվածքի արդյունքում մենք ականատես ենք լինում ազգայնականների ծայրահեղ գործողություններին Թուրքիայի գրեթե ողջ տարածքում, դատական գործընթացների միջոցով նպատակաուղղված արշավ է իրականացվում քրդական էլիտայի դեմ: Ինչպես և 100 տարի առաջ, միջազգային հանրությունը հիմնականում աչք է փակում տիրող իրավիճակի վրա:

Անդրադառնալով այս իրավիճակում ՀՀ հնարավոր գործողություններին կամ հնարավոր ակտիվացմանը` փորձագետը նշեց, որ մենք բարոյական պարտք ունենք: «Որպես պետություն, որն իր անկախ պետությունը ստեղծելու համար 100 տարի առաջ անցել է այս ամենի միջով, այս մասին միջազգային ատյաններում բարձրաձայնելը և անգամ մեկ կյանք փրկելը ՀՀ-ի համար բարոյական պարտքի խնդիր է: Վերջապես, մենք պետություն ենք, որի քաղաքացիների շարքում նաև քրդեր կան, և մենք չենք կարող պասիվ արձագանքել քրդերի նկատմամբ իրականացվող վայրագություններին»,- եզրափակեց Բեքարյանը: 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 87%
Քամի՝ 3 կմ/ժ
6 C°
 
  13° 
31.03.2020
  12° 
01.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: