ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 528,19 դրամ ԱՐԾԱԹ - 255,88 դրամ ՊԼԱՏԻՆ - 14 222,19 դրամ

Մոլդովայում շարունակվող ցույցերի ֆոնին Ազգային բանկի նախագահը հրաժարական է տվել

Մոլդովայի Ազգային բանկի նախագահ Դորին Դրեգուցանուն սեպտեմբերի 21-ին հրաժարական է տվել՝ մեղադրելով իշխանություններին երկրում ստեղծված ճգնաժամի մեղքը ֆինանսական կարգավորիչների վրա գցելու փորձերի մեջ: Մասնավորապես Դրուգուցանուն մատնանշել է երկրի վարչապետ Վալերի Ստրելեցի հայտարարությունը` կապված ազգային արժույթի փոխարժեքի անկման հետ:

Ազգային բանկի նախագահն ընդգծել է, որ իր հրաժարականը կապված չէ ընդդիմության պահանջների հետ: Դրեգուցանուի հետ խորհրդարանին հրաժարականի դիմում է ներկայացրել նաև բանկի փոխնախագահը:

Նշենք, որ արդեն մի քանի շաբաթ Մոլոդվայի ընդդիմադիր ուժերը բազմահազարանոց ցույցեր են անցկացնում երկրի գլխավոր հրապարակում՝ պահանջելով իշխանությունների հրաժարականը: Մոլդովայում համընդհանուր դժգոհության պատճառ է դարձել էլեկտրաէներգիայի սակագինը 37, իսկ գազինը՝ 15 տոկոսով բարձրացնելու վերաբերյալ իշխանությունների որոշումը, ինչպես նաև երկրի երեք բանկերից մոտ 1 մլրդ դոլարի անհետացումը:

Մոլդովայում «Արժանապատվություն և իրավունք» քաղաքացիական հարթակի կողմից կազմակերպված բողոքի մասայական ակցիաների մասնակիցները, մասնավորապես, պահանջում են երկրի ղեկավարության հրաժարականը և արտահերթ ընտրությունների անցկացում:

Իշխանություններն ի սկզբանե հրաժարվել են կատարել ցուցարարների պահանջները: Սակայն երկրում ստեղծված իրավիճակը  նրանց մոտ այնուամենայնիվ որոշակի անհանգստութուն  է առաջացրել: Իրավիճակի նկատմամբ վերահսկողությունը չկորցնելու համար Ստրելեցը հանձնարարել է երկրի էկոնոմիկայի նախարարությանը վերանայել սակագների բարձրացման վերաբերյալ որոշումը:

Փորձագետները կարծում են, որ Քիշնևի կենտրոնում բողոքի ցույցերը կավարտվեն առանց էական արդյունքների: Դրանց մասնակիցների շարքերը բավականին նոսրացել են: Ցուցարարներն արդեն այդքան ծայրահեղ չեն իրենց պահանջներում և պատրաստ են արևմտյան միջնորդների օգնությամբ ձեռք բերված պայմանավորվածությունների, այլ ոչ թե արտահերթ ընտրութունների, միջոցով երկրում ինչ-որ բան փոխել:

Նշենք, որ Մոլդովայի իշխող «Հանուն եվրոպական ինտեգրացիայի դաշինքը» քննադատության է ենթարկվել նաև արտասահմանյան դոնորների, այդ թվում` նաև Եվրամիության և Համաշխարհային բանկի կողմից, որոնք դադարեցրել էին երկրի ֆինանսավորումը:

Ժնևում Մարդու իրավունքների խորհրդի նիստի ժամանակ ՄԱԿ-ի ներկայացուցիչը զգուշացրել է մոլդովական իշխանություններին, որ հազարավոր մարդկանց պահանջն անտեսելը կարող է հասարակությունում բևեռացվածություն առաջացնել՝ ապակայունացնելով երկրի քաղաքական և տնտեսական դրությունը:

այլ նյութեր այս թեմայով


Եղանակ
Երևան
Ամպամած
Խոնավություն՝ 86%
Քամի՝ 3 կմ/ժ
2 C°
 
   
14.12.2019
   
15.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: