ԵՐԵՎԱՆ 12 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայաստանը կարող է տարանցիկ երկիր դառնալ Իրանի և ԵՄ-ի միջև

Իրանը Հայաստանին դիտարկում է որպես իրանական ապրանքները ԵԱՏՄ արտահանելու միակ և հուսալի հարթակ:  Այդ մասին հայտարարել է հոկտեմբեր ամսին Հայաստան այցելած Իրանի փոխնախագահ Էսհաղ Ջահանգիրին։ Իսկ վերջին շրջանում թե′ եվրոպական, թե′ իրանական տարբեր աղբյուրներով շրջանառվող լուրերը հիմք են տալիս ենթադրելու, որ Հայաստանը կարող է դառնալ Իրանը ոչ միայն ԵԱՏՄ-ին, այլ նաև Եվրոպային կապող տարանցիկ երկիր:

Օրինակ, իրանական Mehr լրատվական գործակալության հոդվածում նշվում է, որ  Իրանը՝ որպես Թուրքիային այլընտրանք, Եվրոպայի հետ կապ հաստատելու համար ընտրել է Հայաստանով և Ադրբեջանով դեպի Վրաստան-Սև ծով-Բուլղարիա-Հունաստան երթուղով նոր տարանցիկ միջանցք: Նույն պարբերականը նաև խոսում է Իրանի և Հունաստանի միջև կնքված համագործակցության պայմանագրի  մասին, համաձայն որի Իտալիա մեկնող իրանական բեռնատարները կարող են օգտագործել Հունաստանի նավահանգիստները:

Նախորդ շաբաթ Իրան-Եվրոպա հարաբերությունների զարգացման համատեքստում Հայաստանի հնարավոր դերակատարության մասին է խոսել նաև Գերմանիայի ԱԳՆ Արևելյան Եվրոպայի, Հարավային Կովկասի և Կենտրոնական Ասիայի հարցերով հատուկ հանձնակատար  Անդրեաս Պեշկեն: Վերջինս իր Հայաստան այցի ժամանակ, ինչպես հայտնում է news.am-ը, մասնավորապես նշել է. «Երբ Իրանի դեմ պատժամիջոցները չեղարկվեն, մենք կտեսնեք, թե ինչ հնարավորություններ կան Իրանի հետ տնտեսական հարաբերությունները զարգացնելու համար։ Ես կարծում եմ, որ այդ պլաններում կարող է ներգրավված լինել նաև Հայաստանը, քանի որ Իրանը Հայաստանի համար շատ կարևոր տնտեսական գործընկեր է։ Մենք միշտ էլ ուրախ ենք Հայաստանի հետ տնտեսական հարաբերություններ կառուցել»։

Եթե հաշվի առնենք Հայաստանի երկարաժամկետ համագործակցության փորձը թե′ ԵՄ-ի, թե′ Իրանի Իսլամական Հանրապետության և ընդհանրապես իսլամական աշխարհի երկրների հետ, ապա Հայաստանը կարող է շատ լավ կամրջող դերակատարում ստանձնել Իրանի և Արևմուտքի  հարաբերությունների հետագա զարգացման համար: Սա ինքնին Հայաստանի համար համագործակցության նոր եզրեր է բացում թե′ Արևուտքի երկրների և թե′ Իրանի հետ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 35%
    Քամի՝ 1,54 կմ/ժ
    11 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: