ԵՐԵՎԱՆ 28 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21,648.63 դրամ ԱՐԾԱԹ - 234.82 դրամ ՊԼԱՏԻՆ - 12,921.12 դրամ

Ամփոփվել են «Երիտասարդական մրցանակաբաշխություն 2015» մրցույթի արդյունքները

ՀՀ Սպորտի և երիտասարդության հարցերի նախարարությունն ամփոփել է տարվա ընթացքում երիտասարդական հասարակական սեկտորի հետ կատարված աշխատանքը: ՀՀ Սպորտի և երիտասարդության հարցերի նախարարի տեղակալ Արսեն Քարամյանը, բավարար գնահատելով պետական երիտասարդական քաղաքականության արդյունքները, նշեց, որ հաջողվել է հաստատել Երիտասարդական աշխատողի ինստիտուտի վերաբերյալ Կառավարության արձանագրային որոշումը, որով Հայաստանում առաջին անգամ փորձ է կատարվում ինստիտուցիոնալ հիմքերի վրա դնել Երիտասարդական աշխատող հասկացությունը, ինչը լայն թափով զարգանում է ողջ աշխարհում:

Փոխնախարարն իր խոսքում ընդգծեց, որ նախարարությունը 2015 թվականի ընթացքում շարունակել է իր դրամաշնորհային քաղաքականությունը: 46 կազմակերպությունների տրամադրվել են շուրջ 65 միլիոն դրամի դրամաշնորհներ: «Կարծում եմ, որ համակարգը, որոշ թերություններ, խնդիրներ ունենալով հանդերձ, բարեհաջող ընթացք և արդյունավետություն է արձանագրում: Այն հարմար գործիք է պետության հետ ֆինանսական հարաբերությունների մեջ մտնելու համար: Այն թափանցիկ և արժանահավատ է բոլոր կողմերի համար, ինչը մեզ համար կարևոր հանգամանք է», - նշեց Արսեն Քարամյանը:

Սպորտի և երիտասարդության հարցերի նախարարի տեղակալն ամփոփեց նաև արդեն ավանդական դարձած «Երիտասարդական մրցանակաբաշխություն 2015»-ի արդյունքները` պարգևատրելով մրցանակների արժանացած լավագույն 14 հասարակական կազմակերպություններին:

«Եվրոպական ինտեգրացիա» հասարակական կազմակերպությունը «Երիտասարդական մրցանակաբաշխություն 2015» մրցույթի արդյունքում ճանաչվել է տարվա երիտասարդական մայրաքաղաք Ստեփանավանում ծրագիր իրականացրած լավագոււյն երիտասարդական հասարակական կազմակերպություն:


Եղանակ
Երևան

Խոնավություն՝ 32%
Քամի՝ 15 կմ/ժ
28 C°
 
22°  35° 
19.07.2019
21°  35° 
20.07.2019
Հարցում

Հավանե՞լ եք «Գահերի խաղ»-ի վերջին սերիան: